 |
فرش مخمل پہ اے سونے والوں تمہیں قبر میں سونا پڑے گا اپنے اعمال کا جائزہ لو ورنہ قبر میں رونا پڑے گا چھوڑ دے زندگی کا یہ میلہ جائے گا توں یہاں سے اکیلا خوبصورت حسیں یہ بدن ہے اس کو بے جان ہونا پڑے گا چار یاروں کے کاندوں پہ جس دن تیری بارات نکلے گی گھر سے پہن کے کفن کا ایک جوڑا جب جنازے میں سونا پڑے گا خاک سے یہ بنا جسم تیرا خاک میں ہی یہ جب جا ملے گا ایک روز یہاں پہ تو آیا ایک روز تو جانا پڑے گا تیری دلہن جو آئی سہاگن اسکے ہاتھوں سے اتریں گے کنگن لاش بے جان پر تیری ان کو اپنا دامن بھگونا پڑے گا https://t.me/NaatLyricsTKR 🍃ثـواب حـاصـل کـرنـے کـی نـیـت سـے زیـادہ سـے زیـادہ شــئـیـر کیجیئے🍃 |
28/12/2022
Farsh E Makhmal Pe Aye Sone Walo
24/12/2022
Naseema Janib E Batha
 |
| نسیما جانب بطحا گزر کن ز احوالم محمد ﷺ را خبر کن اے بادِ صبا مدینہ منورہ کی طرف گزر کر محمد عربیﷺ کو میرے احوال سے آگاہ کر توئی سلطان عالم یا محمد! ﷺ ز روئے لطف سوئے من نظر کن اے محمد ﷺ آپ ہی جہاں کے سلطان ہیں محض اپنے لطف و کرم سے میری طرف نگاہ کیجئے ببر ایں جان مشتاقم بہ آں جا فدائے روضہ خیر البشر ﷺ کن میری اس مشتاق جان کو وہاں لے جا خیر البشرﷺ کے روضہ اقدس پر قربان کر دے مشرف گرچہ شد جامی ز لطفت خدایا ایں کرم بار دگر کن اگر چہ جامی آپ کے لطف و کرم سے مشرف ہو چکا ہے اے رب یہ کرم مجھ پر پھر ایک بار پھر کر مولانا عبد الرحمن جامی رحمۃ اللہ علیہ اللَّهُمَّ صَلِّ عَلَى سَيِّدِنَا مُحَمَّدٍ عَبْدِكَ وَنَبِيِكَ وَرَسُولِكَ النَّبِيِّ الأُمِّيِّ وَعَلَى آلِهِ وَأَزْوَاجِهِ وَذُرِّيـَّتِهِ واصحبہ وبارک وَسَلِّمْ عَدَدَ خَلْقِكَ وَرِضَاءَ نَفْسِكَ وَزِنَةَ عَرْشِكَ وَمِدَادَ كَلِمَاتِكَ |
11/12/2022
Yaad Aaqa Ko Baar Baar Karen
چارۀ رنجِ دل فگار کریں
یاد آقا ﷺ کو بار بار کریں
لطفِ جنت جنہیں اٹھانا ہو
سیرِ شہرِ دیارِ یار کریں
یاد دل میں بسا کے اُس گُل کی
اپنی ہستی کو مشکبار کریں
مضمحل جان پائے گی تسکیں
مدحتِ شاہِ ذی وقار کریں
پی کے جام اُن کے عشق کا خود کو
خوابِ غفلت سے ہوشیار کریں
آ کے زیرِ لِوائے شہ خود کو
زیرِ الطافِ کردگار کریں
اہلِ دنیا ! انا بُری خو ہے
خاکساری کو اختیار کریں
ائے رضؔا اُن پہ سب عیاں ہیں، پھر
کیا بیاں حالِ قلبِ زار کریں
🖋️از سید رضا علی اورنگ آباد مہاراشٹر
26/11/2022
Itna kafi Hai Zindagi ke liye
 |
| اتنا کافی ہے زندگی کے لیے رکھ لیں آقا جو نوکری کے لیے ماہ و خورشید ان کی چوکھٹ پر روز آتے ہیں روشنی کے لیے دونوں عالم بنائے مولا نے یا نبی صرف آپ ہی کے لیے تک کے اُن کو ایوب کے گھر نے محل ترسے ہیں جھونپڑی کے لیے لمبے سجدے کیے نبیﷺ نے کہا اے نواسے تیری خوشی کے لیے آ گئے قبر میں بھی چھڑوانے درد کتنا ہے اُمتی کے لیے دید مانگی ہے اُن کی اے حاکم میں نے بس وقتِ آخری کے لیے |
22/11/2022
Tujhe Salam
 |
| اسلام کے اے مَردِ مجاہد تجھے سلام اے کاروانِ عشق کے مُرشِد تجھے سلام آواز تیری شعلہ و شمشیر بن گئی اے جانشینِ "طارق و خالد " تجھے سلام تو دے گیا ہے عشقِ نبی کو نئی حیات اعداد اور شمار سے زائد تجھے سلام تاعمر کی حفاظتِ ناموسِ مصطفیٰ اے سُنّیوں کے رہبرِ راشد تجھے سلام نبضِ جہاں ٹھہر گئی تیری وفات پر سب رو کے کہہ رہے ہیں اے قائد تجھے سلام لکھّی ہوئی رہے گی دلوں پر تری حیات تازہ رہیں گے تیرے شواہد ، تجھے سلام جبر و ستم کی چھاؤں میں بھی تو ڈٹا رہا رسمِ حُسَینیت کے مُجدّد تجھے سلام میداں کو تو نے سجدہ گہِ عشق کر لیا اے کربلائے وقت کے عابد تجھے سلام پیغامِ حق سنایا بھی ، اُس پر چلایا بھی اے عشقِ مصطفائی کے قاصد تجھے سلام تجھ پر فدا اے ختم نبوت کے پہریدار اے پاسبانِ باغِ عقائد تجھے سلام کردار میں بھری تھیں عزیمت کی بجلیاں تجھ کو جھکا سکے نہ شَدائد، تجھے سلام ماں باپ سے بھی بڑھ کے ہمیں تو عزیز ہے اے جلوۂ خودی کے مُشاہد تجھے سلام اعزاز میں جبینِ جہاں ہے جھکی ہوئی سب کر رہے ہیں غائب و شاہد، تجھے سلام فکر رضا میں ڈھل گیا تیرا وجودِ ناز محرابِ حق پرستی کے ساجد تجھے سلام ملت میں روحِ عشق کو بیدار کردیا ہیں سارے اہلِ حق ترے حامد ، تجھے سلام اے سنیت کے شیر ، نہ بھولیں گے ہم تجھے حاصل کریں گے تیرے مقاصد ، تجھے سلام مشغول ہیں دعا میں فریدی کے جان و دل فضلِ خدا ہو تیرا مُساعِد تجھے سلام از فریدی صدیقی مصباحی مسقط عمان |
08/11/2022
Charcha Ghous E Azam Ka
 |
| زمانے میں ہر اک جانب ہے چرچا غوث اعظم کا ہر اک جن وبشر رہتا ہے شیدا غوث اعظم کا بنایا غوث نے اک چور کو ابدال پل بھر میں اسی سے جان لو کیسا ہے رتبہ غوث اعظم کا تمہیں جائز ہے کوا نجدیو پھر شوق سے کھاؤ ہمارے واسطے کافی ہے مرغا غوث اعظم کا خدا نے کس قدر اعلیٰ کیا ہے مرتبہ ان کا کہ کل ولیوں کی گردن پر ہے تلوا غوث اعظم کا کوئی عاشق شہ جیلاں کا صدقہ کھائے کیا حیرت "زمانہ پل رہا ہے کھا کے ٹکڑا غوث اعظم کا" ولایت کی جہاں خیرات بنٹتی ہے جہاں بھر میں علی شیر خدا بابا ہے کس کا ؟ غوث اعظم کا ہر اک غوث و قطب ابدال جن پر ناز کرتے ہیں ہے بغداد معلی میں وہ روضہ غوث اعظم کا خدا کے فضل سے اور شاہ بطحا کی عنایت سے زہے قسمت شکیل احمد ہے منگتا غوث اعظم کا از۔شکیل نان پوری،سیتا مڑھی بہار |
07/11/2022
Sultan E Auliya ko Hamara Salam Ho
 |
سلطانِ اولیاء کو ہمارا سلام ہوجِیلاں کے پیشوا کو ہمارا سلام ہوپیارے حَسن حُسین کے، حیدر کے لاڈلے محبوبِ مصطَفٰے کو ہمارا سلام ہو وہ غوث جس کے خوف سے جِنّات کانپ اُٹھیں اُس دافعِ بلا کو ہمارا سلام ہو چھوڑا ہے ماں کا دودھ بھی ماہِ صِیام میں سرتاجِ اتقیا کو ہمارا سلام ہو سب اَولیاکی گردنیں زیرِ قدم ہیں خم سردارِ اصفیا کو ہمارا سلام ہو دل کی جو بات جان لے روشن ضمیر ہے اُس مردِ باصفا کو ہمارا سلام ہو بھٹکے ہوؤں کو راستہ سیدھا دکھا دیا عالَم کے رہنما کو ہمارا سلام ہو گرتے سنبھالیں، ڈوبتی کِشتی بچائیں جو غمخوارِ غم زَدہ کو ہمارا سلام ہو پوری مُراد جو کرے اور جھولیاں بھرے اُس مَخزنِ عطا کو ہمارا سلام ہو اِذنِ خدا ئے پاک سے مُردے جِلائے جو اُس مَظہرِ خدا کو ہمارا سلام ہو کہہ کر کے’’ لَاتَخَف‘‘ ہمیں بے خوف کردیا اُس رحمتِ خدا کو ہمارا سلام ہو پڑھتے رہو مُدام یہ عطارؔ قادِری سلطانِ اولیا کو ہمارا سلام ہو |
05/11/2022
Ghous E Azam Baman E Be Saro Saman Madade
 |
| غوث اعظم بمنِ بے سرو ساماں مد دے قبلۂ دیں مد دے، کعبۂ ایماں مدد دے ہند میں رہتا ہوں، دل رکھتا ہوں سوئے بغدادؔ نگۂ لطف اِدھر اے شہ جیلاں مدد دے داغِ دل کھول کے دکھلا نہیں سکتا لیکن نذر میں لایا ہوں اک چاکِ گریباں مدد دے پھر بہار آئے تو زنجیر بکف ہو کے پڑھوں سلسلے والوں میں ہوں اے شہِ پیراں مد دے تیرے دربار کی پیزاروں کا رکھوالا ہوں اپنے اس منصبِ عالی پہ ہوں نازاں مد دے میں تہی دست ہوں، نذرانۂ سر لایا ہوں لاج رکھ لے مرے آقائے غلاماں مدد دے سارے ولیوں کے سروں پہ قدمِ عالی ہے ایک ٹھوکر، کہ مرا سر بھی ہو رقصاں مد دے شاہِ حمزہ کی غزل پڑھ کے نواسنج ہوں میں مہر اشرفؔ پہ ہو اے ماہ درخشاں مدد دے |
04/11/2022
Shah E Jeelan Peer Peeran
 |
| شاہِ جیلاں پیرِ پیراں مرشد میرے غوث پاک اپنے در پر اپنے منگتے کو بُلائیں غوثِ پاک اور اپنی دید کا شربت پِلائیں غوثِ پاک ہو رہی ہے آپ کی ہم پر عطائیں غوثِ پاک کیوں نہ پھر ہم آپ کے نعرے لگائیں غوثِ پاک ہے وہ تیرا دبدبہ کہ تیرے نامِ پاک سے ہر طرح کے ہیں سبھی جنّ و بَلائیں غوثِ پاک آپ میرے دل جگر میں اور آنکھوں میں رہیں یاد بن کر میری نس نس میں سمائیں غوثِ پاک بے وفا ہیں ہم نبھا پائیں نہ کچھ بھی آپ سے حشر تک بس آپ ہی ہم کو نبھائیں غوثِ پاک جاکنی کا وقت ہے بحرِ علی المرتضٰی اپنے خاکی کے سرہانے آپ آئیں غوثِ پاک |
03/11/2022
Masha Allah Ya Abdul Qadir
 |
آل نبی اولاد علی ہیں قطب ربانیولیوں کے سردار ہیں میرے غوث پیا جیلانیہے محبوبِ سبحانی عبدالقادر جیلانی ماشاء اللہ یا عبد القادر ماشاء اللہ ماشاء اللہ یا غوثِ اعظم ماشاء اللہ بدکاروں کو ولی بنا دے چوروں کو ابدال منگتے در پر آئیں تو کرتے ہیں مالا مال ان کی عطا کا ان کی سخا کا کوئی نہیں ہے ثانی ہے محبوبِ سبحانی عبدالقادر جیلانی ماشاء اللہ یا عبد القادر ماشاء اللہ ماشاء اللہ یا غوثِ اعظم ماشاء اللہ پیدا ہوتے ہی رکھتے ہیں رمضاں کے روزے سحری سے افطاری تک وہ دودھ نہیں پیتے ماں کے پیٹ سے حفظ ہے اٹھارہ پارے قرآنی ہے محبوبِ سبحانی عبدالقادر جیلانی ماشاء اللہ یا عبد القادر ماشاء اللہ ماشاء اللہ یا غوثِ اعظم ماشاء اللہ رب کی عطا سے دیتے ہیں وہ مانگنے سے نا دان ان سے مانگنے آتے ہیں اِس دنیا کے سلطان اپنے گداؤں کو دیتے ہیں عالم کی سلطانی ہے محبوبِ سبحانی عبدالقادر جیلانی ماشاء اللہ یا عبد القادر ماشاء اللہ ماشاء اللہ یا غوثِ اعظم ماشاء اللہ سب سے بڑے داتا ہیں وہ تو سب سے بڑے ہیں پیر یوں ہی نہیں کہتی دنیا ان کو روشن ضمیر بڑھ جاتا ہے عشق سے ان کے جزبۂ ایمانی ہے محبوبِ سبحانی عبدالقادر جیلانی ماشاء اللہ یا عبد القادر ماشاء اللہ ماشاء اللہ یا غوثِ اعظم ماشاء اللہ دنیا بھی آباد ہے ہوگی عقبیٰ بھی آباد تم ہو قادری عکسؔ ہمیشہ رکھنا ہے یہ یاد جب تک جاں ہے کرتے رہنا اُنکی مدحت خوانی ہے محبوبِ سبحانی عبدالقادر جیلانی ماشاء اللہ یا عبد القادر ماشاء اللہ ماشاء اللہ یا غوثِ اعظم ماشاء اللہ |
01/11/2022
Yaa Ghous Al Madad
 |
پیروں کے آپ پیر ہیں یا غوث المدداہل صفا کے میر ہیں یا غوث المددرنج و الم کثیر ہیں یا غوث المدد ہم عاجز و اسیر ہیں یا غوث المدد ہم کیسے جی رہے ہیں یہ تم سے کیا کہیں ہم ہیں الم کے تیر ہیں یا غوث المدد تیرے نظر سے پھیر دو سارے الم کے تیر کیا یہ الم کے تیر ہیں یا غوث المدد تیرے ہی ہاتھ لاج ہے یا پیر دستگیر ہم تجھ سے دستگیر ہیں یا غوث المدد کس دل سے ہو بیاں بےداد ظالماں ظالم بڑے شریر ہیں یا غوث المدد صدقہ رسول پاک کا جھولی میں ڈال دو ہم قادری فقیر ہیں یا غوث المدد دل کی سنائے اخؔتر دل کی زبان میں کہتے یہ بہتے نیر ہیں یا غوث المدد |
31/10/2022
Yaa Ghous
 |
| اُلوہیّت نبوّت کے سوا تو تمام افضال کا قابل ہے یا غوث نبی کے قدموں پر ہے جز نبوّت کہ ختم اس راہ میں حائل ہے یا غوث اُلوہیّت ہی احمد نے نہ پائی نبوّت ہی سے تو عاطل ہے یا غوث صحابیّت ہوئی پھر تابعیت بس آگے قادری منزل ہے یا غوث ہزاروں تابعی سے تو فزوں ہے وہ طبقہ مجملاً فاضل ہے یا غوث کوئی کیا جانے تیرے سر کا رتبہ کہ تَلوا تاجِ اہلِ دل ہے یا غوث رضاؔ کے سامنے کی تاب کس میں فلک وار اس پہ تیرا ظِلّ ہے یا غوث اعلیٰ حضرت امام احمد رضا خان بریلوی رحمۃ اللہ علیہ |
30/10/2022
Meeran Waliyon ke Imam
 |
| میراں ولیوں کے امام دے دو پنجتن کے نام ہم نے جھولی ہے پھیلائی بڑی دیر سے ڈالو نظر کرم سرکار اپنے منگتوں پہ اک بار ہم نے آس ہے لگائی بڑی دیر سے دل کی کلی میری آج کھلی ہے، آپ ہیں آئے خبر ملی ہے ذرا دھیرے دھیرے آؤ للہ کرم فرماؤ ہم نے محفل ہے سجائی بڑی دیر سے قلب و نظر میں نور سمایا ایک سرور سا ذھن پہ چھایا جب میراں لگے پلانے میرے ہوش لگے ٹھکانے ایسی پی ہے میں نے مئے دستگیر سے تم جو بناؤ بات بنے گی دونوں جہاں میں لاج رہے گی لجپال کرم اب کردوں منگتوں کی جھولی بھر دو بھر دو کاسہ میرا پنجتنی خیر سے روتے روتے عمر گزاری کب آئے گی اپنی باری ذرا جلوہ ہمیں دکھا دو میرے دل کی کلی کھلا دو میں نے بپتا ہے سنائی بڑی دیر سے مشکل جب بھی سر پہ آئی تیری رحمت آڑے آئی جب میں نے تمہیں پکارا کام آیا تیرا سہارا چلتا عاصؔی کا گزارا تیری خیر سے |
22/10/2022
Huzoor Agaye Hain
 |
ﻓﻠﮏ ﮐﮯ ﻧﻈﺎﺭﻭ، زمیں کی ﺑﮩﺎﺭﻭﺳﺐ ﻋﯿﺪﯾﮟ ﻣﻨﺎﺅ، ﺣﻀﻮﺭﷺ ﺁﮔﺌﮯ ﮨﯿﮟﺍُﭨﮭﻮ ﻏﻢ ﮐﮯ ﻣﺎﺭﻭ، چلو بے سہارو ﺧﺒﺮ ﯾﮧ ﺳﻨﺎﺅ، ﺣﻀﻮﺭ ﷺ ﺁﮔﺌﮯ ﮨﯿﮟ ﺍﻧﻮﮐﮭﺎ ﻧﺮﺍﻻ، ﻭﮦ ﺫﯾﺸﺎﻥ ﺁﯾﺎ ﻭﮦ ﺳﺎﺭﮮ ﺭﺳﻮﻟﻮﮞ ﮐﺎ ﺳﻠﻄﺎﻥ ﺁﯾﺎ ﺍﺭﮮ ﮐﺞ ﮐﻼ ﮨﻮ، ﺍﺭﮮ ﺑﺎﺩ ﺷﺎﮨﻮ ﻧﮕﺎﮨﯿﮟ ﺟﮭﮑﺎﺅ، ﺣﻀﻮﺭ ﷺ ﺁﮔﺌﮯ ﮨﯿﮟ ﮨُﻮﺍ ﭼﺎﺭ ﺳﻮ ﺭﺣﻤﺘﻮﮞ ﮐﺎ ﺑﺴﯿﺮﺍ ﺍُﺟﺎﻻ ﺍُﺟﺎﻻ، ﺳﻮﯾﺮﺍ ﺳﻮﯾﺮﺍ ﺣﻠﯿﻤﮧ ﮐﻮ ﭘﮩﻨﭽﯽ، ﺧﺒﺮ ﺁﻣﻨﮧ ﮐﯽ ﻣﯿﺮﮮ ﮔﮭﺮ ﻣﯿﮟ ﺁﺅ، ﺣﻀﻮﺭ ﷺ ﺁﮔﺌﮯ ﮨﯿﮟ ﮨﻮﺍﺅﮞ ﻣﯿﮟ ﺟﺬﺑﺎﺕ ﮨﯿﮟ ﻣﺮﺣﺒﺎ ﮐﮯ ﻓﻀﺎﺅﮞ ﻣﯿﮟ ﻧﻐﻤﺎﺕ ﺻَﻞِّ ﻋَﻠٰﯽ ﮐﮯ ﺩﺭﻭﺩﻭﮞ ﮐﮯ ﮔﺠﺮﮮ، ﺳﻼﻣﻮﮞ ﮐﮯ ﺗﺤﻔﮯ غلاموں ﺳﺠﺎﺅ، ﺣﻀﻮﺭ ﷺ ﺁ ﮔﺌﮯ ﮨﯿﮟ ﺳﻤﺎﮞ ﮨﮯ ﺛﻨﺎﺀِ ﺣﺒﯿﺐِ ﺧﺪﺍ ﮐﺎ ﯾﮧ ﻣﯿﻼﺩ ﮨﮯ ﺳﺮﻭﺭِ ﺍﻧﺒﯿﺎﺀ ﮐﺎ ﻧﺒﯽ ﷺ ﮐﮯ ﮔﺪﺍﺅ ﺳﺐ ﺍﯾﮏ ﺩﻭﺳﺮﮮ ﮐﻮ گلے سے لگاؤ، ﺣﻀﻮﺭ ﷺ ﺁﮔﺌﮯ ﮨﯿﮟ ﮐﮩﺎﮞ ﻣﯿﮟ ﻇﮩﻮﺭﯼ ﮐﮩﺎﮞ ﺍُﻥ ﮐﯽ ﺑﺎﺗﯿﮟ ﮐﺮﻡ ﮨﯽ ﮐﺮﻡ ﮨﯿﮟ ﯾﮧ ﺩﻥ ﺍﻭﺭ ﺭﺍﺗﯿﮟ ﺟﮩﺎﮞ پر ﺑﮭﯽ ﺟﺎﺅ، ﺩﻟﻮﮞ ﮐﻮ ﺟﮕﺎﺅ ﯾﮩﯽ ﮐﮩﺘﮯ ﺟﺎﺅ، ﺣﻀﻮﺭ ﷺ ﺁﮔﺌﮯ ﮨﯿﮟ |
20/10/2022
Haal e Dil Kis Ko Sunayen
 |
| حالِ دل کس کو سنائیں آپ ﷺ کے ہوتے ہوئے کیوں کسی کے در پہ جائیں آپ ﷺ کے ہوتے ہوئے میں غلام مصطفی ﷺ ہوں یہ مری پہچان ہے غم مجھے کیوں کر ستائیں آپ ﷺ کے ہوتے ہوئے شانِ محبوبی دکھائی جائے گی محشر کے دن کون دیکھے گا خطائیں آپ ﷺ کے ہوتے ہوئے زلفِ محبوب خدا لہرائے گی محشر کے دن خوب یہ کس کی گھٹائیں آپ ﷺ کے ہوتے ہوئے میں یہ کیسے مان جاؤں شام کے بازار میں چھین لے کوئی ردائیں آپ ﷺ کے ہوتے ہوئے اپنا جینا اپنا مرنا اب اسی چوکھٹ پہ ہے ہم کہاں سرکار جائیں آپ ﷺ کے ہوتے ہوئے کہہ رہا ہے آپ کا رب “اَنتَ فِیھِم” آپ سے میں انہیں دوں کیوں سزائیں آپ ﷺ کے ہوتے ہوئے یہ تو ہو سکتا نہیں ہے یہ بات ممکن ہی نہی میرے گھر آلام آئیں آپ ﷺ کے ہوتے ہوئے کون ہے الطافؔ اپنا حال دل کس سے کہیں زخم دل کس کو دکھائیں آپ ﷺ کے ہوتے ہوئے |
19/10/2022
Woh Mera Nabi hai
 |
| وہ جس کے لئے محفل کونین سجی ہے فردوس بریں جس کے وسیلے سے بنی ہے وہ ہاشمی مکّی مدنیُ العربی ہے وہ میرا نبی ، میرا نبی ، میرا نبی ہے احمد ہے محمد ہے وہی ختم ِ رُسل ہے مخدوم و مربّی ہے وہی والئ کل ہے اُس پر ہی نظر سارے زمانے کی لگی ہے وہ میرا نبی ، میرا نبی ، میرا نبی ہے والشمس ضحٰی چہرہء انور کی جھلک ہے والیل سجیٰ گیسوئے حضرت کی لچک ہے عالم کو ضیاء جس کے وسیلے سے ملی ہے وہ میرا نبی ، میرا نبی ، میرا نبی ہے اللہ کا فرماں الم نشرح لک صدرک منسوب ہے جس سے ورفعنا لک ذکرک جس ذات کا قرآن میں بھی ذکر جلی ہے وہ میرا نبی ، میرا نبی ، میرا نبی ہے مُزّمل و یٰسین و مدّثر و طٰہٰ کیا کیا نئے القاب سے مولا نے پکارا کیا شان ہے اس کی کہ جو اُمّی لقبی ہے وہ میرا نبی ، میرا نبی ، میرا نبی ہے وہ ذات کہ جو مظہر لو لاک لما ہے وہ صاحب رب ہے اسے معراج ہوئی ہے اسریٰ میں امامت جسے نبیوں کی ملی ہے وہ میرا نبی ، میرا نبی ، میرا نبی ہے کس درجہ زمانے میں تھی مظلوم یہ عورت پھر جس کی بدولت ملی اسے عزت و رفعت وہ محسن و غم خوار ہمارا ہی نبی ہے وہ میرا نبی ، میرا نبی ، میرا نبی ہے |
25/09/2022
Jaga Ji Lagane Ki Duniya Nahi Hai
 |
| جگہ جی لگانے کی دنیا نہیں ہے یہ عبرت کی جا ہے تماشا نہیں ہے جہاں میں ہیں عبرت کے ہر سُو نمونے مگر تجھ کو اندھا کیا رنگ و بُو نے کبھی غور سے بھی دیکھا ہے تو نے جو معمور تھے وہ محل اب ہیں سُونے جگہ جی لگانے کی دنیا نہیں ہے یہ عبرت کی جا ہے تماشا نہیں ہے ملے خاک میں اہلِ شاں کیسے کیسے مکیں ہو گئے لا مکاں کیسے کیسے ہوئے نامور بے نشاں کیسے کیسے زمیں کھا گئی نوجواں کیسے کیسے جگہ جی لگانے کی دنیا نہیں ہے یہ عبرت کی جا ہے تماشا نہیں ہے اجل نے نہ کسریٰ ہی چھوڑا نہ دارا اسی سے سکندر سا فاتح بھی ہارا ہر ایک چھوڑ کے کیا کیا حسرت سدھارا پڑا رہ گیا سب یہیں ٹھاٹ سارا جگہ جی لگانے کی دنیا نہیں ہے یہ عبرت کی جا ہے تماشا نہیں ہے تجھے پہلے بچپن میں برسوں کھلایا جوانی نے پھر تجھ کو مجنوں بنایا بڑھاپے نے پھر آ کے کیا کیا ستایا اجل تیرا کر دے گی بالکل صفایا جگہ جی لگانے کی دنیا نہیں ہے یہ عبرت کی جا ہے تماشا نہیں ہے یہی تُجھکو دُھن ہے رہوں سب سے بالا ہو زینت نرالی ہو فیشن نرالا جیا کرتا ہے کیا یونہی مرنے والا تجھے حسنِ ظاہر نے دھوکے میں ڈالا جگہ جی لگانے کی دنیا نہیں ہے یہ عبرت کی جا ہے تماشا نہیں ہے بڑھاپے سے پاکر پیامِ قضا بھی نہ چونکا نہ چیتا نہ سنبھلا ذرا بھی کوئی تیری غفلت کی ہے انتہا بھی جنوں چھوڑ کر اب ہوش میں آ بھی جگہ جی لگانے کی دنیا نہیں ہے یہ عبرت کی جا ہے تماشا نہیں ہے جب اس بزم سے اٹھ گئے دوست اکثر اور اٹھتے چلے جا رہے ہیں برابر یہ ہر وقت پیشِ نظر جب ہے منظر یہاں پر ترا دل بہلتا ہے کیوں کر جگہ جی لگانے کی دنیا نہیں ہے یہ عبرت کی جا ہے تماشا نہیں ہے یہ دنیائے فانی ہے محبوب تجھ کو ہوئی واہ کیا چیز مرغوب تجھ کو نہیں عقل آئی مجذوبؔ تجھ کو سمجھ لینا اب چاہیے خوب تجھ کو جگہ جی لگانے کی دنیا نہیں ہے یہ عبرت کی جا ہے تماشا نہیں ہے |
17/09/2022
Main To Panjatan Ka Ghulam Hoon
 |
| میں تو پنجتنؑ کا غلام ہوں میں غلام ابنِ غلام ہوں مجھے عشق ہے تو خدا سے ہے مجھے عشق ہے تو رسولؐ سے یہ کرم ہے سارا بتولؑ کا میرے منہ سے آئے مہک سدا جو میں نام لوں تیرا جھوم کے میں تو پنجتنؑ کا غلام ہوں مجھے عشق سرو و سمن سے ہے مجھے عشق سارے چمن سے ہے مجھے عشق ان کی گلی سے ہے مجھے عشق ان کے وطن سے ہے مجھے عشق ہے تو علیؑ سے ہے مجھے عشق ہے تو حسنؑ سے ہے مجھے عشق ہے تو حسینؑ سے مجھے عشق شاہِ زمن سے ہے میں تو پنجتنؑ کا غلام ہوں میں غلام ابنِ غلام ہوں ہوا کیسے تن سے وہ سر جدا جہاں عشق ہو وہیں کربلا میری بات انہی کی بات ہے میرے سامنے وہی ذات ہے وہی جن کو شیرِ خدا کہیں جنہیں بابِ صِلّ علیٰ کہیں وہی جن کو آلِ نبیؐ کہیں وہی جن کو ذاتِ علیؑ کہیں وہی پختہ ہیں میں تو خام ہوں میں تو پنجتنؑ کا غلام ہوں میں قمر ہوں شاعرِ بے نوا میری حیثیت ہی بھلا ہے کیا وہ ہیں بادشاہوں کے بادشاہ میں ہوں ان کے در کا بس اک گدا میرا پنجتن سے ہے واسطہ میرا نسبتوں کا ہے سلسلہ میں فقیرِ خیرالانام ہوں میں تو پنجتنؑ کا غلام ہوں میرا شعر کیا میرا ذکر کیا میری بات کیا میری فکر کیا میری بات ان کے سبب سے ہے میرا شعر ان کے ادب سے ہے میرا ذکر ان کے طفیل سے میری فکر ان کے طفیل سے کہاں مجھ میں اتنی سکت بھلا کہ ہو منقبت کا بھی حق ادا میں مریدِ خیرالانام ہوں میں تو پنجتنؑ کا غلام ہوں (الحاج ڈاکٹر محمد یوسف قمر) |
12/09/2022
Aye Rasul E Hashmi
 |
| Muntazir Hun Phir Karam Ka A Rasool E Hashmi Jald Dekhon Dar Tumhara A Rasool E Hashmi Kyun Na Main Honton Se Chomun Aur Lagaon Aankhon Se Hai Tumhara Naam Pyara A Rasool E Hashmi Jab Bhi Mushkil Paish Aayi Aagye Dar Par Gada De Diya Tum Ne Sahara A Rasool E Hashmi Jam Apne Ishq Ka Hum Ko Pilaya Aap Ne Aap Ne Hum Ko Sanwara A Rasool E Hashmi Aap Ki Ummat Paresha’n Hai Shaha Is Dehr Main Ho Karam Ka Ik Ishara Ya Rasool E Hashmi Aap Hi Faryad Sunte Hain Humari Aap Par Haal E Dil Hai Aashkara A Rasool E Hashmi Bakht E Shakir Ko Jaga Do Aur Aata Kar Do Ise Apne Rauze Ka Nazara A Rasool E Hashmi Kalam: Ameer e Sunni Dawat e Islami Maulana Shakir Ali Noori |
10/09/2022
Mustafa Ke Baad Nabi Koi Nahi Hai
 |
| ہم ختمِ نبوت کی حفاظت کے امیں ہیں ہم زندہ و بیدار ہیں مردار نہیں ہے کوئی نہیں کوئی نہیں کوئی نہیں ہے مصطفٰےﷺ کے بعد نبی کوئی نہیں ہے میں ختم نبیین ہو فرمانِ محمد ﷺ بعد ان کے نہیں کوئی نبی شانِ محمدﷺ اس شان پہ امت ہوئی قربانِ محمدﷺ اَکْمَلْتُ لَکُمْ ختمِ نبوت کی بشارت اَتْمَمْتُ عَلَیْکُمْ اس نعمت کی وضاحت ہاں دین فروشی کی نہیں ہم کو ہے عادت ہم حاجِب و دربارن ہیں غدار نہیں ہیں ہم فرش پہ چلتے ہیں مگر خُلد نشیں ہیں ہم عشق کا پیکر ہیں گنہگار نہیں ہیں جو مکر کرے اس کیلئے تیغِ خدا ہیں ہم ختمِ نبوت کے عقیدے پہ فدا ہیں مرزا کے طرف دار تو برباد صدا ہیں آدم سے جو پہلے تھے نبی ہیں وہی عاقب وہ ختمِ رسولاں ہیں عقیدہ یہی واجب ہوشیار ہیں پرجوش ہیں کہہ دیجئے ثاقؔب |
07/09/2022
Khatam E Nabwat Zindabad
 |
یہ فیصلہ ہے اپنا یہی بات ہے آخرہے ختم نبوت کے لیے جان بھی حاضراسلام کی بنیاد ہے یہ ختمِ رسالت ہے نقش دلوں پہ نبی کی مہر نبوت جب لا نبی بعدی محمد نے کہا ہے اب جو نبی کا دعوی کرے جھوٹا بڑا ہے واللہ ادھورا تھا نبوت کا محل بھی سرکار کے آنے سے ہی تکمیل ہوئی تھی صدیق کی تلوار نے کذاب کو مارا یوں ختم نبوت پہ کڑا پہرہ لگایا مرزائی قادیانی ہیں کافر بڑے کافر نہ شک کرو اسلام سے ہو جاؤ گے باہر گھربار بھی اولاد بھی سرکار پہ قربان اس نام پہ قربان ہے ہر ایک مسلمان سرکار کی تعریف میں قرآن کے پارے وہ آخری نبی ہیں یہ قرآن پکارے میں ختم نبوت کا محافظ ہوں اجاگر پیچھے نہ ہٹوں گا بھلے کٹ جائے میرا سر |
06/09/2022
Ustad E Mohtarm
 |
| کتنی محبتوں سے پہلا سبق پڑھایا میں کچھ نہ جانتا تھا، سب کچھ مجھے سکھایا اَن پڑھ تھا اور جاہل ، قابل مجھے بنایا دنیا ئے علم و دانش کا راستہ دکھایا اے دوستو ملیں تو بس ایک پیام کہنا استادِ محترم کو میرا سلام کہنا مجھ کو خبر نہیں تھی، آیاہوں میں کہاں سے ماں باپ اس زمیں پر لائے تھے آسمان سے پہنچا دیافلک تک استاد نے یہاں سے واقف نہ تھا ذرا بھی، اتنے بڑے جہاں سے مجھ کو دلایا کتنا اچھا مقام کہنا استادِ محترم کو میرا سلام کہنا جینے کا فن سکھایا،مرنے کا بانکپن بھی عزت کے گر بتائے ، رسوائی کے چلن بھی کانٹے بھی راہ میں ہیں ،پھولوں کی انجمن بھی تم فخرِ قوم بننا اور نازشِ وطن بھی ہے یاد مجھ کو ان کا ایک اک کلام کہنا استادِ محترم کو میرا سلام کہنا جو عِلم کا عَلم ہے، استاد کی عطا ہے ہاتھوں میں جو قلم ہے، استاد کی عطا ہے جو فکر تازہ دم ہے، استاد کی عطا ہے جو کچھ کیا رقم ہے، استاد کی عطا ہے اُن کی عطا سے چمکا، حاطبؔ کا نام کہنا استادِ محترم کو میرا سلام کہنا |
03/09/2022
Ummat ko aye Khudaya
 |
| امت کو اے خدایا تیرا ہی آسرا ہے شیرازہ اس کا بکھرا تیرا ہی آسرا ہے غیروں نے ظلم توڑا اپنوں نے ہائے چھوڑا دے دے تو ہی سہاراتیرا ہی آسرا ہے دل خون رو رہا ہے رنجور ہو رہا ہے حالات نے ستایا تیرا ہی آسرا ہے دشمن ملے ہوئے ہیں جنگ پر تلے ہوئے ہیں چاروں طرف سے گھیرا تیرا ہی آسرا ہے پھر سے کوئی عمر دے اعدا کی جو خبر لے ہر ایک نے پکارا تیرا ہی آسرا ہے بندوں کو اپنے دے دے اسباب زندگی کے ظلم و ستم نے مارا تیرا ہی آسرا ہے کرتا ہے التجا اب تیرا عبید یا رب کر دے کرم خدایا تیرا ہی آسرا ہے |
01/09/2022
Aye Naam E Muhammad Salle Ala
 |
اے نامِ محمد صل علی سبحان اللہ سبحان اللہدی جس نے ہمارے دلوں کو جلا سبحان اللہ سبحان اللہگیسو والیل اذا یغشیٰ یسین جبیں عارض طٰہ ماذاغ کا آنکھوں میں سرمہ سبحان اللہ سبحان اللہ تنویر ہے قلبِ فطرت کی تفسیر ہے راز وحدت کی وہ پیکر نوری صل علےٰ سبحان اللہ سبحان اللہ قرآن اٹھا کر دیکھ ذرا معلوم تجھے ہو جائے گا ہے قول محمد قول خدا سبحان اللہ سبحان اللہ جب پایا اشارہ انگلی کا دو ٹکڑے فلک پر چاند ہوا ڈوبا ہوا سورج پلٹا سبحان اللہ سبحان اللہ ہے قول خدائے جن و بشر انا اعطینک الکوثر رب نے جو دیا کثرت سے دیا سبحان اللہ سبحان اللہ معراج کی شب معلوم ہوا عالم کو تیری رفعت کا پتہ ہے قدموں کے نیچے عرش علیٰ سبحان اللہ سبحان اللہ خالق بھی ساتھ فرشتوں کے بھیجے درودوں کے تحفے یہ شان تیری رتبہ یہ تیرا سبحان اللہ سبحان اللہ پتھر تھے بندھے بالائے شکم بوسیدہ قبا تھی زیب تن شاہنشاہ دو عالم کی یہ ادا سبحان اللہ سبحان اللہ ہم رات کو شب بھر سوتے ہیں امت کے وہ غم میں روتے ہیں ہم جرم کریں وہ عفو عطا سبحان اللہ سبحان اللہ اعمال نا دیکھے یہ دیکھا محبوب کے کوچے کا ہے گدا مولا نے مجھے یوں بخش دیا سبحان اللہ سبحان اللہ جب میں نے سنائی نعت نبی سن ہو گیا نجدی سنتے ہی سنّی نے سنا سن کر یہ کہا سبحان اللہ سبحان اللہ |
30/08/2022
Ya Rasulallahi Unzur Ha Lana
 |
| یا رسول اللہ انظر حالنا یا حبیب اللہ اسمع قالنا اننی فی بحر غم مغرق خذیدی سہل لنا اشکا لنا یا رسولِ کبریا فریاد ہے اے میرے حاجت روا فریاد ہے سخت مشکل میں پھنسا ہوں آج کل اے میرے مشکل کشا فریاد ہے گنبد خضریٰ کے جلوے ہو نصیب یہ کرم یا مصطفٰے فرمائیے یا رسول اللہ میری مغفرت وہ خدا سے یہ دعا فرمائیے دم لبوں پہ آگیا عطؔار کا اب قدم رنج شاہا فرمائیے |
27/08/2022
Simna Ke Tajdar
 |
سمناں کے تاجدار سا سلطاں کوئی نہیںسلطان بہت ہوئے شہہ سمناں کوئی نہیںاے شاہِ سمناں آپ کے دامن کو چھوڑ کر بخشش کا میری حشر میں ساماں کوئی نہیں دار الشّفاء ہے آپ کا دربارِ نور بار کیسے کہوں کہ درد کا درماں کوئی نہیں ہیں آپ جیسے ہند میں اولادِ غوثِ پاک اس شان کا یہاں شہ میراں کوئی نہیں کیا کیا نہیں دیا مرے مخدوم آپ نے جامؔی پہ آپ جیسا مہرباں کوئی نہیں |
22/08/2022
Bahar E Jaan Fiza Tum Ho
 |
بہار جاں فزا تم ہو نسیم گلستاں تم ہوبہار باغ رضواں تم سے ہے زیب جناں تم ہوخدا کی سلطنت کا دو جہاں میں کون دولہا ہے تمہی تم ہو تمہی تم ہو یہاں تم ہو وہاں تم ہو حقیقت سے تمہاری جز خدا اور کون واقف ہے کہے تو کیا کہے کوئی چنیں تم ہو چناں تم ہو کجا ہم خاک افتادہ کجا تم اے شہہ بالا اگر مثل زمیں ہم ہیں تو مثل آسماں تم ہو یہ کیا میں نے کہا مثل سما تم ہو معاذاللہ منزہ مثل سے ، برتر ز ہر وہم و گماں تم ہو میں بھولا آپ کی رفعت سے نسبت ہی ہمیں کیا ہے وہ کہنے بھر کی نسبت تھی کہاں ہم ہیں کہاں تم ہو میں بے کس ہوں میں بے بس ہوں مگر کس کا تمہارا ہوں تہہ دامن مجھے لے لو پناہ بے کساں تم ہو ہمیں امید ہے روز قیامت ان کی رحمت سے کہ فرمائیں ادھر آؤ نہ مایوس از جناں تم ہو ستم کارو، خطا کارو ، سیہ کارو، جفا کارو ہمارے دامن رحمت میں آ جاؤ کہاں تم ہو تمہارے ہوتے ساتے درد و دکھ کس سے کہوں پیارے شفیع عاصیاں تم ہوں وکیل مجرماں تم ہو ریاضت کے یہی دن ہیں بڑھاپے میں کہاں ہمت جو کچھ کرنا ہے اب کر لو ابھی نوری جواں تم ہو فقط نسبت کا جیسا ہوں حقیقی نوری ہو جاؤں مجھے جو دیکھے کہہ اٹھے میاں نوری میاں تم ہو ثنا منظور ہے ان کی نہیں یہ مُدّعا نوریؔ سخن سنج و سخنور ہو سخن کے نکتہ داں تم ہو |
20/08/2022
Aye Baad E Saba
 |
| اے باد صبا ان ﷺ کے روضے کی ہوا لے آ ہم ہجر کے ماروں کی طیبہ سے دوا لے آ تن من کو ہمارے جو ایماں کی جِلا بخشے سرکار ﷺ کی نگری سے وہ خاکِ شفا لے آ صدیق سے سچائی، فاروق سے بے باکی عثمان سے فیاضی حیدر سے ولا لے آ ایثار حسن سے اور شبیر سے قربانی اجمیر کے خواجہ سے وہ خوف خدا لے آ میں عشقِ شہِ دیں میں ہو جاؤں فنا اک دن ہر سومری شہرت ہو کچھ ایسی کلا لے آ حسنین و علی زہرا کا سایہ رہے مجھ پر نورانی گھرانے کی نورانی ضیا لے آ ہوں غرق گناہوں میں، اعمال ہیں بد میرے آقا ﷺ سے شفاعت کا فرمان ذرا لے آ آقا ﷺ کے غلاموں کے دل جن سے چمک اٹھیں کرنیں ہرے گنبد کی اے باد صبا لے آ دنیا مری بن جائے، عقبیٰ بھی سنور جائے آمین کہیں قدسی وہ حرفِ دعا لے آ نعتِ شہِ طیبہ ہے، پیشہ میرا آبائی نظمیؔ کی کمائی میں برکت کی دعا لے آ نظمی میاں مارہروی https://t.me/NaatLyricsTKR |
زیـادہ سـے زیـادہ شــئـیـر کیجیئے🍃
17/08/2022
Ze Rahmat Kun
 |
| ترجــــمہ👇🏼 اے اللہ کے رسولﷺ میری تباہ حالی پر کرم کی نظر فرمائیں کہ میں غریب ہوں بے آسرا ہوں، اور خاک نشیں ہوں اے اللہ کے رسول آپ ﷺ کی فرقت کے داغ سے میرا دل کیسا ریزہ ریزہ ہوا ہے کہ سیکڑوں گلشنوں کی بہار کا تصوّر دل میں لیے ہوئے ہوں اے اللہ کے رسول آپ ﷺ ہی کی ذاتِ گرامی دل کا سکون روح کا چین اور میرا صبر اور دل کی ڈھارس ہے آپ ﷺ کا نور سے بھر پُور چہرہ میری بے قرار روح کا چین ہے آپ ﷺ ہیں میرے آقا میرے سرپرست اور میری جان کے مالک ہیں آپ ﷺ جانتے ہیں کہ آپ ﷺ کے علاوہ میرا کوئی نہیں ہے آخری وقت جامؔی کو اپنے دیدار کا جلوہ دیکھا دیجئے آپ ﷺ کی مہربانی سے اے اللہ کے رسول میں یہی توقع رکھتا ہوں کـــــــــــــــــــــلام✍🏻 مولانا عبد الرحمن جامی رحمتہ اللہ تعالی علیہ https://t.me/NaatLyricsTKR 🍃ثـواب حـاصـل کـرنـے کـی نـیـت سـے زیـادہ سـے زیـادہ شــئـیـر کیجیئے🍃 |
15/08/2022
Sare Jahan se Achcha Hindustan Hamara
 |
سارے جہاں سے اچھا ہندوستاں ہمارا ہم بلبلیں ہیں اس کی ، یہ گلستاں ہمارا غربت میں ہوں اگر ہم ، رہتا ہے دل وطن میں سمجھو وہیں ہمیں بھی ، دل ہو جہاں ہمارا پربت وہ سب سے اونچا ، ہم سایہ آسماں کا وہ سنتری ہمارا ، وہ پاسباں ہمارا گودی میں کھیلتی ہیں اس کی ہزاروں ندیاں گلشن ہے جن کے دم سے رشکِ جناں ہمارا اے آبِ رودِ گنگا ، وہ دن ہیں یاد تجھ کو ؟ اترا ترے کنارے جب کارواں ہمارا مذہب نہیں سکھاتا آپس میں بیر رکھنا ہندی ہيں ہم ، وطن ہے ہندوستاں ہمارا يونان و مصر و روما سب مٹ گئے جہاں سے اب تک مگر ہے باقی نام و نشاں ہمارا کچھ بات ہے کہ ہستی مٹتی نہيں ہماری صديوں رہا ہے دشمن دور زماں ہمارا اقباؔل ! کوئی محرم اپنا نہيں جہاں ميں معلوم کيا کسی کو دردِ نہاں ہمارا ڈاکٹر اقبال |
13/08/2022
Ek Yazeed Tha Hussain Hai
 |
| یہ نہ پوچھ کیا حسین ہے فضلِ کبریا حسین ہے کیا بتاؤں کیا حسین ہے میرا مدَّعا حسین ہے بات ہے بس اتنی مختصر اِک یزید تھا حسین ہے کیسے ہو سکے گا یہ فنا دین کی بقاء حسین ہے وعدۂ نبیﷺ کیا وفا ایسا با وفا حسین ہے کربلا نے دے دیا ثبوت دین میں کھرا حسین ہے صبر و شکر کا ہے منتہا پیکرِ رضا حسین ہے مرتضیٰ کا ہے وہ شاہکار آلِ مصطفیٰ حُسین ہے کربلا میں آخری نماز کر گیا ادا حُسین ہے خلد ہے انہی کی ملکیت جن کا مقتدیٰ حسین ہے ارفؔق آپ کی ہیں جنتیں کیونکہ آپ کا حسین ہے |
11/08/2022
Karbala Ke Jaan Nesaroon Ko Salam
 |
کَربَلا کے جاں نِثاروں کو سلامفاطِمَہ زَہرا کے پیاروں کو سلاممُصطفٰی کے ماہ پاروں کو سلام نوجوانوں گُل غذاروں کو سلام کَربَلا تیری بہاروں کو سلام جاں نِثاری کے نظاروں کو سلام یا حُسین اِبنِ علی مُشکل کُشا آپ کے سب جانثاروں کو سلام اَکبر و اَصغر پہ جاں قُربان ہو میرے دِل کے تاجداروں کو سلام قاسِم و عبّاس پر لاکھوں دُرُود کَربَلا کے شَہسواروں کو سلام جِس کِسی نے کَربَلا میں جان دی اُن سبھی اِیمانداروں کو سلام بُھوکی پیاسی بِیبیوں پر رحمتیں بُھوکے پیاسے گُل عذاروں کو سلام بھید کیا جانے شہادَت کا کوئی اُن خدا کے رازداروں کو سلام بے بسی میں بھی حیا باقی رہی اُن حسینی پَردہ داروں کو سلام رحمتیں ہوں ہر صحابی پر مُدام اَور خصُوصاً چار یاروں کو سلام بِیبیوں کو عابدِ بِیمار کو بےکسوں کو سب بے چاروں کو سلام ہوگئے قُربان مُحَمَّد اَور عَون سیّدہ زینب کے پیاروں کو سلام کَربَلا میں میں ظُلم کے ٹُوٹے پہاڑ جِن پہ اُن سب دِلفِگاروں کو سلام آل و اصحابِ نبی کے جِس قَدر چاہنے والے ہیں ساروں کو سلام یا خُدا اے کاش پِھر جا کر کہوں کَربَلا کے سب مزاروں کو سلام تِین دِن کے بُھوکے پیاسے آپ کی یانبی آنکھوں کے تاروں کو سلام جو حُسینی قافلے میں تھے شرِیک کہتا ہے عطارؔ ساروں کو سلام...! ✍... امیرِ اہلسنّت مولانا محمد الیاس عطارؔ قادری صاحب |
09/08/2022
Nana Hain Yaad Aaye Hue
 |
بس اب تو رہتے ہیں آنکھوں میں اَشک آئے ہوئےزمانہ بِیت گیا ہم کو مُسکرائے ہوئےغمِ حُسینؑ کا گھاؤ ہے کس قدر گہرا یہ اُن سے پُوچھ جو ہیں دِل پہ چوٹ کھائے ہوئے نبیؐ کے گھر کے اُجالوں کا اب خدا حافظ اندھیرے شامِ ستم کے ہیں سر اُٹھائے ہوئے لگی ہے بھیڑ غم و رنج و درد و کُلفت کی ہم اپنے دِل میں ہیں اِک کربلا بسائے ہوئے عجیب وقت ہے زہراؑ کے گُل عِزاروں پر سکینہؑ پیاسی ہے، اصغرؑ ہیں تیر کھائے ہوئے یہ ناتوانی، یہ رستے کی سختیاں سجادؑ! چلو گے کیسے بھلا بیڑیاں اُٹھائے ہوئے نمازِ عشق کی یہ طُرفگی کوئی دیکھے حُسینؑ سجدے سے اُٹھے تو سر کٹائے ہوئے شکست دے نہ سکی عزمِ ابنِ حیدرؑ کو اجل کھڑی ہے ندامت سے منہ چُھپائے ہوئے سبب خموشی کا پوچھا گیا جو زینبؑ سے تو رو کے بولیں کہ ناناؐ ہیں یاد آئے ہوئے یہ شب کہیں شبِ عاشُور تو نہیں لوگو اُداس چاند ہے تارے ہیں جِھلملائے ہوئے پلٹ کے آئے نہ اب تک مِرے چچا عبّاسؑ سکینہؑ روتی ہے دستِ دعا اُٹھائے ہوئے نڈھال کر گئی اصغرؑ کی آخری ہچکی حُسینؑ خمیے میں آئے کمر جُکھائے ہوئے بھٹک رہی ہے ابھی تک تلاش میں منزل گُزر گیا ہے کوئی کارواں لُٹائے ہوئے وہ حق پرست سرِ منزلِ وفا پہنچے خدا کی یاد کو زادِ سفر بنائے ہوئے ہم اہلِ دل ہیں، ہمیں اہلِ زر سے کیا مطلب ہم اپنے شاہِؑ نجف سے ہیں لَو لگائے ہوئے نصِیرؔ! گُلشنِ زہراؑ کے پیاسے پُھولوں کو سَلام کہتے ہیں آنکھوں میں اَشک آئے ہوئے سیّدپِیرنصِیرالدّین نصِیرؔ جیلانی رحمتُ اللّٰه تعالٰی علیہ، گولڑہ شریف |
Husain Tumko Zamana Salam kehta Hai
 |
تمہارے سجدے کو کعبہ سلام کہتا ہےجلالِ قبۂ خضریٰ سلام کہتاہےچمن کا ہر گل وغنچہ سلام کہتاہے حسین تم کو زمانہ سلام کہتا ہے چراغ و مسجد ومنبر سلام کہتے ہیں نبی رسول و پیمبر سلام کہتے ہیں علی و فاطمہ شبّر سلام کہتے ہیں خدا گواہ کہ نانا سلام کہتا ہے تمھیں فلک کے ستارے سلام کہتے ہیں تمھیں قرآن کے پارے سلام کہتے ہیں تمھیں حرم کے منارے سلام کہتے ہیں امام تم کو مدینہ سلام کہتا ہے خدا کی راہ میں سر کو کٹادیا تم نے نبی کے دین پہ گھر کو لٹادیا تم نے نشانِ کفر کو یکسر مٹادیا تم نے تمہیں خدا بھی تمہارا سلام کہتا ہے ثنا تمہاری وظیفہ ھے میرا آبائی تمہاری مدح تو شیوہ ہے میرا مولائی بس اک نظر ہو جو مجھ پر تو میری بن آئی تمہارا سیدِ شیدا سلام کہتا ہے نتیجۂ فکر: حضرت سید شاہ آل مصطفیٰ سید میاں مارہروی قدس سرہٗ |
08/08/2022
Mera Badshah Hussain Hai
 |
یہ بات کس قدر حسیں جو کہہ گئے معین الدیںکہ دین کی پناہ حسین ہے میرا بادشاہ حسین ہےامن کا مہر و ماہ بھی جو شاہوں کا ہے شاہ بھی ایسا بادشاہ حسین ہے میرا بادشاہ حسین ہے ہے جس کی فکر کربلا حسین وہ دماغ ہے یہ پنجتن کی انجمن کا پانچواں چراغ ہے حسن کا پہلا ہمسفر علی کا دوسرا پِسر امام تیسرا حسین ہے میرا بادشاہ حسین ہے کرے کوئی جو ہمسری کسی کی کیا مجال ہے حسین ہر لحاظ سے جہان بے مثال ہے یہ ہو چکا ہے فیصلہ نہ کوئی دوسرا خدا نہ کوئی دوسرا حسین ہے میرا بادشاہ حسین ہے ہدایت حسین پر عمل کرو اے مومنو رہیں گے ہم بہشت میں یقیں رکھو اے مومنو قبول ہوگی ہر دعا کسی سے کیوں ڈریں بھلا ہمارا واسطہ حسین ہے میرا بادشاہ حسین ہے دعاؤوں میں نداؤں میں جو واسطہ اسے بنائے گا بہشت کی جو راہوں کا راستہ اسے بنائے گا نہ واسطے میں توڑ ہے نہ راستے میں موڑ ہے ایسی سیدھی راہ حسین ہے میرا بادشاہ حسین ہے شہیدِ کربلا کا غم جسے بھی ناگوار ہے وہ بد عمل ہے بد نصب اُسی پہ بے شمار ہے ارے اُو منکرِ فضل تو مر ذرا قبر میں چل پتا چلے گا کیا حسین ہے میرا بادشاہ حسین ہے قضا کے بعد پھر مجھے نئی حیات مل گئی عذاب سے عتاب سے مجھے نجات مل گئی سوال جب کیا گیا ہے کون تیرا پیشوا تو میں نے کہہ دیا حسین ہے میرا بادشاہ حسین ہے کرے گا جو مخالفت غمِ حسین کی یہاں وہ ہوگا حشر حشر میں کہ الحفیظ و الأماں جہاں بھی چھپنا چاہے گا کہیں بھی بچ نہ پائے گا کہ ہر جگہ میرا حسین ہے میرا بادشاہ حسین ہے |
Jab Na Mila Tha Pani
 |
سینکڑوں سال ہوئے جب نہ ملا تھا پانیآج تک ہے لب شبیر کا پیاسا پانیکربلا سامنے آتی جو وہ لاشے لے کر آنکھ تو آنکھ ہے پتھر سے بھی رستا پانی کیسی بستی میں محمدؐ کا مسافر ٹھہرا دھوپ خیمہ تھی دری ریت نظارہ پانی تشنگی اس کی سمندر کو بلا سکتی تھی کاٹ سکتا تھا وہ تلوار سے چلتا پانی کس کے سر فتح کا تاریخ نے سہرا باندھا سرخ رو کون ہے دونوں میں لہو یا پانی موت کے گھاٹ اترتے ہی رہیں گے پیاسے جب تک اس دجلۂ دنیا میں رہے گا پانی جب بھی ذکر شہداء دل نے مظفرؔ چھیڑا آنکھ اک زخم بنی زخم سے ٹپکا پانی |
07/08/2022
Hussain jaisa Shaheed E Azam
 |
حسین جیسا شہید اعظم، جہاں میں کوئی ہوا نہیں ہےچھری کے نیچے گلا ہے لیکن، کسی سے کوئی گِلا نہیں ہےعدو تھے جب سر پہ تیغ تولے، حسین سجدے میں جا کے بولے مدینے والوں گواہ رہنا، نماز میری قضا نہیں ہے حسین فرمائے ساتھیوں سے، ادا کرو پُر جلال سجدے ہے تیغ و خنجر تبر کا سایہ، کہاں ہمارا خدا نہیں ہے پکارے عباس اے سکینہ، میں پانی لاؤں گا اے سکینہ کٹے ہیں بازو چھدا ہے سینہ، ابھی مرا سر کٹا نہیں ہے غریب امّت کی بیکسی پر، حسین کا سر کٹا ہے لیکن یزید جیسے شقی کے آگے، حسین کا سر جھکا نہیں ہے یزید دنیا میں لاکھ آے، ستم بن بن کے ظلم ڈھائے چراغِ توحید پھر بھی صادقؔ، جلا ہے لیکن بجھا نہیں ہے |
Imtehan E Karbala
 |
سوچو کتنا سخت ہوگا امتحانِ کربلادیں کی خاطر لٹ گیا تھا کاروانِ کربلااحمدِ مختارﷺ کے لالوں کا لاشہ دیکھ کر رو رہا تھا خوں کے آنسو آسمانِ کربلا جزبۂ شبّیر پیدا ہوگا اُنکے دل میں بھی اپنے بچّوں کو سناؤ داستانِ کربلا بھوکے رہ کر تیر کھائے اور پانی کی جگہ پی گئے جامِ شہادت تشنگانِ کربلا کٹ گئے بازو نہ پرچم دین کا جھکنے دیئے کہتے ہیں عباسؓ جن کو ہیں وہ جانِ کربلا مُصطفیٰﷺ کے جاں نثاروں نے لہو اپنے دئے تب کہیں جا کر کھلا ہے گلستانِ کربلا یا حسین ابنِ علی روضے پہ بلوالیجئے حاضری کو ہیں تڑپتے عاشقانِ کربلا جن بہتّر نے بہایا دین کی خاطر لہو ان کے دم سے ہی عطؔا باقی ہے شانِ کربلا عامرعطؔا ( کولکاتا ) |
06/08/2022
Hussain Sa Koi Nahi
 |
زمین و آسمان میں حسین سا کوئی نہیںخدا کے اِس جہان میں حسین سا کوئی نہیںلکھا ہوا ہے لوحِ دل پہ نام بس حسین کا تو دل کے اِس مکان میں حسین سا کوئی نہیں لکھے گا کون اِس طرح شہادتوں کی داستاں کسی کے خاندان میں حسین سا کوئی نہیں کرے گا کون سامنا یزیدِ وقت کا یہاں ہمارے درمیان میں حسین سا کوئی نہیں رضائے حق پہ کربلا میں اپنا سب کچھ لُٹا دیا وفا کے امتحان میں حسین سا کوئی نہیں |
04/08/2022
Ganj E Shakar Ka Uras Hai
 |
جانشینِ قُطب و دلبندِ عُمر کا عرس ہےآج زُہدُ الانبیا گنجِ شکرؒ کا عرس ہےہر طرف سے اُٹھ رہا ہے نعرۂ حق یا فرید کیا انوکھی آن ، کس شانِ دگر کا عرس ہے لوگ پلکوں کی طرح صف بستہ ہیں گِردِ مزار خواجہ اجمیری کے منظورِ نظر کا عرس ہے چشتیو ! آؤ ذرا دیکھیں اجودھن کی بہار اوج پر ہیں رونقیں ، کس کرّوفر کا عرس ہے سج رہا ہے آج دلہن کی طرح شہرِ فریدؒ نور کی بارش میں بھیگے بام در کا عرس ہے جس کی چوکھٹ پر جُھکے دیکھے شہنشاہوں کے سر فقر کی دنیا کے ایسے تاجور کا عرس ہے غوثِ اعظمؒ کا نظر آتا ہے توحیدی جلال سارے عُرسوں سے جدا گنجِ شکرؒ کا عرس ہے قادری جلووں میں شامل ہیں فریدی رنگتیں یوں لگے ہے جیسے یہ اپنے ہی گھر کا عرس ہے مجھ سے گر پوچھے کوئی تو شمع کی لَو پر نصیرؔ رقصِ پروانہ بھی گویا لمحہ بھر کا عرس ہے کلام حضرت الشیخ پیر سید نصیر الدین نصیر جیلانی رحمتہ اللہ تعالی علیہ گولڑہ شریف |
Ganj E Shkar Ka Uras hlHai
 |
مژدۂ تسکیں فزا گنجِ شکر کا عرس ہےغمزدوں کا آسرا گنجِ شکر کا عرس ہےزہد میں کیا دھوم ہے گنجِ شکر کی چار سو محفلِ ہستی میں کیا گنجِ شکر کا عرس ہے جس کو ہو شوقِ لقا آتا ہے وہ آخر یہیں اس تڑپ کی انتہا گنجِ شکر کا عرس ہے اک بہشتِ امن ہے دروازۂ بابا فرید باعثِ دفعِ بلا گنجِ شکر کا عرس ہے عمر بھر جس نے ملایا عبد کو معبود سے آج اس مردِ خدا گنجِ شکر کا عرس ہے لوگ آتے ہیں یہاں حق سے تعلق جوڑنے درسِ پیمانِ وفا گنجِ شکر کا عرس ہے پاؤں دھرنے کو جگہ ملتی نہیں ہے شہر میں بھیڑ یہ کیسی ہے کیا گنجِ شکر کا عرس ہے؟ یا تو پھر بغداد میں ہے بارگاہِ دستگیر اہلِ دل کی عید یا گنجِ شکر کا عرس ہے کھینچتا تھا مجھ کو رضواں خلد کی جانب نصیرؔ وہ تو میں نے کہہ دیا گنجِ شکر کا عرس ہے |
03/08/2022
Zi Qadr Turabul Haq
 |
ذی قدر تراب الحق، ذی جاہ تراب الحقاسرار شریعت کے آگاہ تراب الحقدکھلائے زمانے کو افکار کے وہ جوہر حیرت سے پکار اُٹّھے، سب واہ تراب الحق کیا سوز بلالی تھا کیا جذبِ اویسی تھا تو عاشق صادق تھا، والله تراب الحق کردار کے جلوؤں میں کھویا تھا جہاں سارا افسوس ہوئے رخصت، نا گاہ تراب الحق سَکتے میں زمانہ ہے، رحلت کی خبر سن کر غمگین ہیں اہل حق، سب آہ ! تراب الحق تو فکر رضا کا اک، بے باک مجاہد تھا فرقت ہے تری ہم کو، جانکاہ تراب الحق ہر دشمن ایماں پر، غالب تھی تری جرأت نا کام رہے سارے بد خواہ تراب الحق مسلک کی حفاظت سے، پیچھے نہ ہٹے تا عمر تجھ پر نہ چلا "جبر و اِکراہ" تراب الحق بڑھ چڑھ کے سدا تو نے ملّت کی حمایت کی کس درجہ تھی ملّت کی، پرواہ تراب الحق مدھم نہ کبھی ہوں گے، جلوے تری حکمت کے تو نیّر ملّت ہے، اے شاہ تراب الحق چھوڑیں گے نہ ہرگز ہم، دستورِ عمل تیرا تا حشر رہے گا تو، ہمراہ تراب الحق ذرے تری چوکھٹ کے، ہمدوش ثریا ہیں تو عشق رسالت کا، اک ماہ تراب الحق تا حشر رہے تیرے، مرقد پہ گہر باری اعزاز تجھے بخشے الله تراب الحق کردارِ حسینی کے، بنتے ہیں جہاں انجم انوار کا مرکز ہے درگاہ ترا ب الحق ہاتھوں میں ہے جنکے بھی، اے شاہ ترا دامن وہ لوگ نہیں ہوں گے گمراہ تراب الحق اعجاز و شَرَف تیرا، کیا مجھ سے بیاں ہوگا ہے فکرِ فریدی تو، کوتاہ تراب الحق از فریدی صدیقی مصباحی - مسقط عمان |
Mard E Momin Mard E Haq
 |
مرد مومن مرد مومن مرد حق تراب الحقمسلمانوں کے نوری پیشوا حضرت تراب الحقگزاری حق کی ترویج و اشاعت میں حیات اپنی مقدس دین کے تھے رہنما حضرت تراب الحق رہے پُر جوش داعی مسلکِ احمد رضا کے وہ تھے حق گو حق نگر حق آشنا حضرت تراب الحق خطابت ہوکے وہ تحریر یا تدریس کا میداں رہے ہر گامزاں ذیشاں مقتدی حضرت تراب الحق دعائے مفتی اعظم کی کچھ ایسی ہوئی تاثیر بنے ہر دل عزیز اور با صفا حضرت تراب الحق کبھی یہ اہلسنت بھول پائیں غیر ممکن ہے تھے ایسے حامل خلق و وفا حضرت تراب الحق @NaatLyricsTKR |
02/08/2022
Karbala Hai
 |
ہر لب پہ ہر زباں پر تقریر کربلا ہےدنیا میں جا بجا بس تشہیر کربلا ہےمومن کا بچہ بچہ تسخیر کربلا ہے سینے میں اس کے ہردم توقیر کربلا ہے اس کی یزیدیوں ! کو بو بھی نہیں میسر باغ جناں جو ہے وہ جاگیر کربلا ہے جلوہ فگن ہیں میرے دل میں حسین اعظم "آنکھوں کی پتلیوں میں تصویر کربلا ہے" جانباز دین حق کے اس میں لہو بہیں ہیں اللہ کتنی اعلی تقدیر کربلا کوئی پتہ نہیں ہے شمر لعیں کا لیکن پر اب بھی ہر سو ذکر شبیر کربلا ہے کیسےنہ رعشہ طاری قلب و جگر میں ہوجب آنکھیں جو پڑھ رہی ہیں تحریر کربلا ہے اس کی زباں سے صادر حقانیت ہی ہوگی جس کی زباں میں نازاؔں تاثیر کربلا ہے معصوم ننھے اصغر کو راہ حق پہ نازاؔں قرباں کیا ہے جس نے وہ میر کربلا ہے نتیجۂ فکر: صدام حسین نازاؔں ، پورنوی |
01/08/2022
Maula Umar
 |
| فلک جس کا پڑھے خطبہ وہی فاروقِ اعظم ہیں زمیں پر جس کا ہے شہرا وہی فاروقِ اعظم ہیں وہ جس نے خشک دریا پر حکومت کرکے بتلایا بہایا نیل کا دھارا وہی فاروقِ اعظم ہیں رسولِ پاک نے اپنی خلافت اور اجازت سے جسے ہے خوب چمکایا وہی فاروقِ اعظم ہیں میرے صدیقِ اکبر کی نیابت جانشینی کا بندھا ہے جس کے سر سہرا وہی فاروقِ اعظم ہیں جسے بس دیکھ کر شیطان رستہ ناپ لیتا تھا ہے جس سے کفر تھرّایا وہی فاروقِ اعظم ہیں حکومت جس کی چلتی تھی ہواؤں اور پانی پر ہے کہتی مسجدِ اقصیٰ وہی فاروقِ اعظم ہیں فلک دن رات جھک جھک کر سلامی پیش کرتا ہے ہے جس کا ہر طرف نعرہ وہی فاروقِ اعظم ہیں قؔیامِ قادری صبح و مسا دربار پر جن کے فرشتے دیتے ہیں پہرا وہی فاروقِ اعظم ہیں |
30/07/2022
Aise Marde Qalander
 |
میرا مرشد میرا آقا عمر مولا عمر مولامیرا مرشد میرا آقا عمر مولا عمر مولاذوالفقارِ پیمبر ہیں حضرت عمر ایسے مردِ قلندر ہیں حضرت عمر ان کا قائم رہا کفر پر دبدبہ ان کے سائے سے شیطاں بھی مانگے پناہ بالیقیں قاطعِ شر ہیں حضرت عمر ایسے مردِ قلندر ہیں حضرت عمر ہے جلالِ عمر کفرو پر برق بار ان کی ہیبت سے مرعوب ہے اہلِ نار پاس رکھتے وہ تیور ہیں حضرت عمر ایسے مردِ قلندر ہیں حضرت عمر بعد میرے اگر کوئی ہوتے نبی وہ عمر ہوتے یہ ہے حدیثِ نبی نازِ محبوب داور ہیں حضرت عمر ایسے مردِ قلندر ہیں حضرت عمر وہ جو ملکِ کے عدالت کے ہیں بادشاہ دے گا انصاف سے کانٹا دستِ جفا ہاں عدالت کے پیکر ہیں حضرت عمر ایسے مردِ قلندر ہیں حضرت عمر رہتے ہیں اپنے عاشق کے دل میں عمر اُس کی امداد کرتے ہیں ہر گام پر قلبِ راغؔب کے اندر ہیں حضرت عمر ایسے مردِ قلندر ہیں حضرت عمر |
29/07/2022
Rashid Khalifa Hazrat Umar
 |
جدا باطل کو حق سے کر دیا فاروقِ اعظم نےاَلم اسلام کا اونچا کیا فاروقِ اعظم نےاُنھیں کے نام کی تاثیر تھی یا خط کی ہیبت تھی رُکے دریا کو جاری کردیا فاروقِ اعظم نے عمر کو دیکھ کر شیطان خود رستہ بدل لیتا وہ پایا حق سے لوگوں دبدبہ فاروقِ اعظم نے نبیﷺ کے بعد گر کوئی نبی ہوتے عمر ہوتے نبیﷺ سے پالیا یہ مرتبہ فاروقِ اعظم نے جدا کیسے کرو گے حشر تک ان کو نبی سے تم لیا پہلوئے محبوب خدا فاروقِ اعظم نے مصفّٰی آئینۂ ہے قلب کیوں نہ ہو اجؔاگر کا اسے بھی اپنے دامن میں لیا فاروقِ اعظم نے |
27/07/2022
Woh Umar Hai
 |
اسلام کی شوکت ، صدف دیں کا گہر ہےشہکار رسالت جسے کہیۓ ، وہ عمر ہےجس نام کے صدقے سے دُعاؤں میں اثر ہے وہ نامِ عمر ، نامِ عمر ، نامِ عمر ہے وہ صحنِ حرم اور وہ اِک اینٹ کا تکیہ کیا تربیتِ سرورِؐ عالَم کا اثر ہے کترا کے گزر جاتا ہے اُس دن سے ہر اِک غم جس دن سے مِرے وردِ زباں ، نامِ عمر ہے کعبے میں نماز آج ادا ہو کے رہے گی خطّاب کے بیٹے کی یہ آمد کا اثر ہے عدل ایسا ، پکڑ سکتے ہیں کمزور بھی دامن رعب ایسا کہ خود ظلم کا دل زیر و زبر ہے "ہوتا جو نبی کوئی مرے بعد ، تو فاروق " اس کا ہے یہ فرمان کہ جو خیر بشر ہے قرآن کی آیات یہ دیتی ہیں گواہی تقوی جسے کہتے ہیں ،وہ کردار عمر ہے ہر سلسلۂ فیض میں چمکے ترے موتی کوئی ہے مُجِدّد ، تو کوئی گنجِ شکر ہے وہ دَور نہ پا کر بھی یہ نسبت ، کہ نصیرؔ آج بیعت تِرے افکار کی ، بر دستِ عمر ہے کلام الشیخ پیر نصیر الدین نصیرجیلانی رحمتہ اللہ علیہ گولڑہ |
Gada Farooq E Azam Ka
 |
خدا کے فَضْل سے میں ہوں گدا فاروقِ اعظم کاخدا اُن کا محمد مصطَفٰے فاروقِ اعظم کاکرم اللّٰه کا ہر دم نبی کی مجھ پہ رَحمت ہے مجھے ہے دو جہاں میں آسرا فاروقِ اعظم کا پسِ صدّیقِ اکبر مصطَفٰے کے سب صحابہ میں ہے بے شک سب سے اونچا مرتبہ فاروقِ اعظم کا گلی سے ان کی شیطاں دُم دبا کر بھاگ جاتا ہے ہے ایسا رُعْب ایسا دبدبہ فاروقِ اعظم کا صحابہ اور اہلبیت کی دل میں محبت ہے بَفیضانِ رضا میں ہوں گدا فاروقِ اعظم کا رہے تیری عطا سے یاخدا! تیری عنایت سے ہمارے ہاتھ میں دامن سدا فاروقِ اعظم کا بھٹک سکتا نہیں ہرگز کبھی وہ سیدھے رستے سے کرم جس بَخْت وَر پر ہو گیا فاروقِ اعظم کا خدا کی خاص رحمت سے محمد کی عنایت سے جہنم میں نہ جائے گا گدا فاروقِ اعظم کا سدا آنسو بہائے جو غَمِ عشقِ محمد میں دے ایسی آنکھ یارب! واسِطہ فاروقِ اعظم کا مجھے حجّ وزیارت کی سعادت اب عنایت ہو وسیلہ پیش کرتا ہوں خدا فاروقِ اعظم کا الٰہی! ایک مدّت سے مِری آنکھیں دکھا دے سبز گنبد واسِطہ فاروقِ اعظم کا شہادت اے خدا عطّارؔ کو دیدے مدینے میں کرم فرما الٰہی! واسِطہ فاروقِ اعظم کا @NaatLyricsTKR |
26/07/2022
Hargiz Mere Rasool khuda se juda nahi
 |
ہر گز میرے رسول خدا سے جدا نہیںان کی رضا بغیر خدا کی رضا نہیںاللہ کے رسول کی الفت ہے لازمی اس کے بغیر زہد و وراء کام کا نہیں جود و کرم فیض و سخا کی ہو کیا بساط سائل نے نا کبھی تیرے پر سنا نہیں یوں تو رسول اور نبی بھی بہت ہوئے تیرے علاوہ کوئی مگر مصطفٰی نہیں میری طرف نگاہِ کرم کیجیئے حضور میرا جہاں میں اب کوئی بھی اسراء نہیں مجھ کو بس اے رسول مدینے بلائیے کوئی بھی آرزو میری اِس کے سوا نہیں مرشد فقیہ اعظمِ ہندوستاں میرے مجھ کو شمیم خوفِ جزا و سزا نہیں |
24/07/2022
Sultan E Karbala Ko
 |
سلطان کربلا کو ہمارا سلام ہوجانانِ مصطفٰی ﷺ کو ہمارا سلام ہوعباسِ نامدار ہیں زخموں سے چور چور اس پیکر رضا کو ہمارا سلام ہو اکبر سے نوجوان بھی رن میں ہوئے شہید ہم شکلِ مصطفٰیﷺ کو ہمارا سلام ہو اصغر کی ننھی جان پہ لاکھوں درود ہوں مظلوم و بے خطا کو ہمارا سلام ہو بھائی بھتیجے بھانجے سب ہوگئے نثار ہر لعل بے بہا کو ہمارا سلام ہو ہو کر شہید قوم کی کشتی ترا گئے امت کے ناخدا کو ہمارا سلام ہو ناصؔر ولائے شاہ میں کہتے ہیں بار بار سلطان کربل ا کو ہمارا سلام ہوصلی اللہ تعالی علیہ وآلہ وسلم |
سبسکرائب کریں در:
تبصرے (Atom)
Popular
Koi Gul Baqi Rahega
کوئی گل باقی رہے گا نہ کلی رہ جائے گی پھر بھی زیرِ آسماں حب نبی رہ جائے گی نامیوں کے نام کا نقطہ بھی نہ رہ جائے گا عظمتِ صدیق کی مہر جلیں رہ...
-
کیوں کر نہ میرے دل میں ہو الفت رسول کی جنت میں لے کے جائے گی چاہت رسول کی چلتا ہوں میں بھی قافلے والو ! رکو ذرا ملنے دو بس مجھے بھی اجازت رس... -
کافی ہے مجھے بس وہ کمائی تیرے در کی جو دھول ملے کرکے صفائی تیرے در کی دھو دھو کے پلاؤں گا پیو آبِ شفا ہے ہر روز کروں آکے دھلائی تیرے در کی ز... -
آپ سے سیکھا ہے ہم نے اے رضا عشقِ نبی آپ نے ہم کو بنایا عاشقِ مولیٰ علی آپ کا احسان یہ کیسے بھلایا جائے گا تیرا ہی چرچہ رہے گا اے بریلی کے رض...