Husain Tumko Zamana Salam kehta Hai

تمہارے سجدے کو کعبہ سلام کہتا ہے

جلالِ قبۂ خضریٰ سلام کہتاہے
چمن کا ہر گل وغنچہ سلام کہتاہے
حسین تم کو زمانہ سلام کہتا ہے

چراغ و مسجد ومنبر سلام کہتے ہیں
نبی رسول و پیمبر سلام کہتے ہیں
علی و فاطمہ شبّر سلام کہتے ہیں
خدا گواہ کہ نانا سلام کہتا ہے

تمھیں فلک کے ستارے سلام کہتے ہیں 
تمھیں قرآن کے پارے سلام کہتے ہیں 
تمھیں حرم کے منارے سلام کہتے ہیں 
امام تم کو مدینہ سلام کہتا ہے 

خدا کی راہ میں سر کو کٹادیا تم نے
نبی کے دین پہ گھر کو لٹادیا تم نے
نشانِ کفر کو یکسر مٹادیا تم نے
تمہیں خدا بھی تمہارا سلام کہتا ہے

ثنا تمہاری وظیفہ ھے میرا آبائی
تمہاری مدح تو شیوہ ہے میرا مولائی
بس اک نظر ہو جو مجھ پر تو میری بن آئی 
تمہارا سیدِ شیدا سلام کہتا ہے    

نتیجۂ فکر: حضرت سید شاہ آل مصطفیٰ سید میاں مارہروی قدس سرہٗ