Aye Rasul E Hashmi

Muntazir Hun Phir Karam Ka A Rasool E Hashmi
Jald Dekhon Dar Tumhara A Rasool E Hashmi

Kyun Na Main Honton Se Chomun Aur Lagaon Aankhon Se
Hai Tumhara Naam Pyara A Rasool E Hashmi

Jab Bhi Mushkil Paish Aayi Aagye Dar Par Gada
De Diya Tum Ne Sahara A Rasool E Hashmi

Jam Apne Ishq Ka Hum Ko Pilaya Aap Ne
Aap Ne Hum Ko Sanwara A Rasool E Hashmi

Aap Ki Ummat Paresha’n Hai Shaha Is Dehr Main
Ho Karam Ka Ik Ishara Ya Rasool E Hashmi

Aap Hi Faryad Sunte Hain Humari Aap Par
Haal E Dil Hai Aashkara A Rasool E Hashmi

Bakht E Shakir Ko Jaga Do Aur Aata Kar Do Ise
Apne Rauze Ka Nazara A Rasool E Hashmi

Kalam: Ameer e Sunni Dawat e Islami
Maulana Shakir Ali Noori