Kuchh Karein Apne Yaar Ki Batein

کچھ کریں اپنے یار کی باتیں

کچھ دلِ داغدار کی باتیں

ہم تو دل اپنا دے ہی بیٹھے ہیں
اب یہ کیا اختیار کی باتیں

میں بھی گزرا ہوں دورِ الفت سے 
مت سنا مجھ کو پیار کی باتیں

اہلِ دل ہی یہاں نہیں کوئی 
کیا کریں حالِ زار کی باتیں

پی کے جامِ محبتِ جاناں
اللہ اللہ خمار کی باتیں

مر نہ جانا متاعِ دنیا پر 
سن کے تو مالدار کی باتیں

یوں نہ ہوتے تم اسیرِ ذلت 
گر سنتے ہوشیار کی باتیں

ہر گھڑی وجد میں رہے اختر
کیجے اس دیار کی باتیں

حضور تاج الشریعہ مفتی اختر رضا خان علیہ الرحمہ