امام اعظم ابو حنیفہ

 

نویدِ ذیشانِ شاہِ طیبہ امام اعظم ابوحنیفہ

قلوبِ ملت کے ہیں مسیحا امام اعظم ابو حنیفہ

عطائے خیرالواریٰ بھی ہیں یہ دعائے شیرِ خدا بھی ہیں یہ

امام جعفر کے نور دیدہ امام اعظم ابو حنیفہ

سبھی پہ واجب سپاس ان کا قرینِ قرآں قیاس کا

مسلمہ جن کا ہے طریقہ امام اعظم ابوحنیفہ

وہ حنبلی ہوں یا شافعی ہوں یا مالکی ہوں یا مقتدی ہوں

بنے ہیں سب کے لئے وسیلہ امام اعظم ابو حنیفہ

یہ غوث ابدال اور قلندر، ہیں حنیفہ دائرے کے اندر

یہ سب کے ہیں نازش شریعہ امام اعظم ابو حنیفہ

مفسروں کیلیے راہبر ہیں اور محدثوں کے بھی یہ قمر ہیں

کہ جن کے اوصاف ہیں جمیلہ امام اعظم ابو حنیفہ

یہ جاننا ہو گا سب کو ہر دم ہمارا ہر پیشوا ہے اعظم

تبھی تو نعرہ ہے یہ شنیدہ امام اعظم ابو حنیفہ

مچل رہے ہیں غلام سارے لگا رہے ہیں یہ ان کے نعرے

پڑھا ہے مظؔہر نے جب قصیدہ امام اعظم ابو حنیفہ