 |
| کوئی گل باقی رہے گا نہ کلی رہ جائے گی پھر بھی زیرِ آسماں حب نبی رہ جائے گی نامیوں کے نام کا نقطہ بھی نہ رہ جائے گا عظمتِ صدیق کی مہر جلیں رہ جائے گی جابروں کے دبدبے وقفِ خزاں ہو جائیں گے پھر بھی پورے زور میں ضربِ علی رہ جائے گی جس قدر بھی نجدیوں کی شرک سازی تیز ہو پھر بھی سینوں میں رقم حب ولی رہ جائے گی جس نے جان و مال وارا عظمتِ اسلام پر اِس جہاں میں خوب اُس بندگی رہ جائے گی جس نے روز و شب پڑھا ہے اپنے آقاﷺ پے درود آگ سے محفوظ اس کی کوٹھری رہ جائے گی جو نظامِ مصطفٰی کے واسطے ہیں گامزن بعد مرنے کے بھی رخ پہ تازگی رہ جائے گی چھوڑ کر فیشن پرستی جو چلا سنَّت کے ساتھ روزِ محشر خلد میں اس کی گلی رہ جائے گی زندگی میں ڈر ہے جس کو آخرت کے روز کا رب کرے تو عاقبت اس کی بَھلی رہ جائے گی مجھ کو آصؔف فضلِ باری ہر گھڑی درکار ہے خاک میں أعداء کی سازش اب مِلی رہ جائے گی |
07/10/2025
Koi Gul Baqi Rahega
01/10/2025
Aastan Hai Ye Kis Shahe Zishan Ka
 |
| آستاں ہے یہ کس شاہِ ذیشان کا ، مرحبا مرحبا قلب ہیبت سے لرزاں ہے انسان کا ، مرحبا مرحبا ہے اثر بزم پر کس کے فیضان کا ، مرحبا مرحبا گھر بسانے مری چشمِ ویران کا ، مرحبا مرحبا چاند نکلا حسن کے شبستان کا ، مرحبا مرحبا سر کی زینت عمامہ ہے عرفان کا ، مرحبا مرحبا جُبہّ تن پر محمدﷺ کے اِحسان کا ، مرحبا مرحبا رنگ آنکھوں میں زہرا کے فیضان کا ، مرحبا مرحبا رُوپ چہرے پہ آیاتِ قُرآن کا ، مرحبا مرحبا سج کے بیٹھا ہے نوشاہ جیلان کا ، مرحبا مرحبا بزمِ کون و مکاں کو سجایا گیا ، آج صلِّ علیٰ سائباں رحمتوں کا لگایا گیا ، آج صلِّ علیٰ انبیا اولیاء کو بُلایا گیا ، آج صلِّ علی اِبنِ زھرا کو دُولہا بنایا گیا ، آج صلِّ علی عُرس ہے آج محبوبِ سُبحان کا ، مرحبا مرحبا آسماں منزلت کس کا ایوان ہے ، واہ کیا شان ہے آج خَلقِ خُدا کس کی مہمان ہے ، واہ کیا شان ہے لاَ تَخَف کس کا مشہور فرمان ہے ، واہ کیا شان ہے بالیقیں وہ شہنشاہِ جیلان ہے ، واہ کیا شان ہے حق دیا جس کو قدرت نے اعلان کا ، مرحبا مرحبا ہر طرف آج رحمت کی برسات ہے ، واہ کیا بات ہے آج کُھلنے پہ قُفلِ مُہمّات ہے ، واہ کیا بات ہے چار سُوجلوہ آرائیِ ذات ہے ، واہ کیا بات ہے کوئی بھرنے پہ کشکولِ حاجات ہے ، واہ کیا بات ہے جاگنے کو مُقّدر ہے انسان کا ، مرحبا مرحبا کوئی محوِ فُغاں ، کوئی خاموش ہے ، اب کسے ہوش ہے سازِ مُطرب کی لَے نغمہ بردوش ہے ، اب کسے ہوش ہے عقل حیرت کے پردے میں رُوپوش ہے ، اب کسے ہوش ہے بزم کی بزم مستی در آغوش ہے ، اب کسے ہوش ہے پی کے ساغر علی کے خُمستان کا ، مرحبا مرحبا کیا حسیں منظرِ جُود و اکرام ہے ، دعوتِ عام ہے اہل دل کی نظر مستی آشام ہے ، دعوتِ عام ہے حشر تک مُدّتِ گردشِ جام ہے ، دعوتِ عام ہے دستِ جبریل مصروفِ اطعام ہے ، دعوتِ عام ہے کھاؤ صدقہ علیؓ شاہِ مردان کا ، مرحبا مرحبا شمعِ توحید دل میں جلا کر پیو ، دل لگا کر پیو شاہِ بطحا کی خیرات پا کر پیو ، دل لگا کر پیو نغمہ کاسہء وصل گا کر پیو ، دل لگا کر پیو آنکھ مہر علی سے ملا کر پیو ، دل لگا کر پیو خُود پلانے پہ ساقی ہے جیلان کا ، مرحبا مرحبا ہے عجب حُسن کا بانکپن سامنے ، اک چمن سامنے اہلِ تطہیر ہیں خیمہ زن سامنے ، پنجتن سامنے ہے روئے حسنؓ کی پھبن سامنے ، یا حسنؓ سامنے جلوہ فرما ہیں غوث ِ زمن سامنے ، ضوفگن سامنے دیکھئے کیا بنے چشمِ ویران کا، مرحبا مرحبا گُلشنِ مصطفی کی پھبن اور ہے ، یہ چمن اور ہے شاہِ ابرار کی انجمن اور ہے ، یہ چمن اور ہے بُوئے گُلدستہء پنجتن اور ہے ، یہ چمن اور ہے شانِ آلِ حُسینؓ و حسنؓ اور ہے ، یہ چمن اور ہے سرمدی رنگ ہے اِس گُلستان کا ، مرحبا مرحبا فقر کی سلطنت طُرفہ سامان ہے ، رحمت ایوان ہے اِس کے زیر نگیں قلبِ انسان ہے ، عجز عنوان ہے کس کا دستِ نظر کاسہ گردان ہے ، عقل حیران ہے اک ولی زیبِ ا ورنگ عرفان ہے ، واہ کیا شان ہے سر جُھکے ہے یہاں میر و سُلطان کا ، مرحبا مرحبا ہر گھڑی مہرباں ذاتِ باری رہے ، فیض جاری رہے خاک بوسی پہ بادِ بہاری رہے ، فیض جاری رہے عالمِ کیف میں بزم ساری رہے ، فیض جاری رہے بیخودی تیرے مستوں پہ طاری رہے ، فیض جاری رہے مینہ برستا رہے تیرے احسان کا ، مرحبا مرحبا عرشِ اسرار تک جس کی پرواز ہے ، طُرفہ انداز ہے علمِ لاہوت کا حاصل اعزاز ہے ، طُرفہ انداز ہے زہد و تقوٰی میں یکتا و ممتاز ہے ، طُرفہ انداز ہے آبروئے چمن قامتِ ناز ہے ، طُرفہ انداز ہے پیرِ مہر علی قُطبِ دوران کا ، مرحبا مرحبا گولڑے کی زمیں کتنی مسعود ہے ، خطۂ جُود ہے پیر مہرِعلی جس میں موجود ہے ، خطۂ جُود ہے کیا حسیں منظرِ شانِ معبود ہے ، خطۂ جُود ہے ہر ایاز اِس کا ہمدوشِ محمود ہے ، خطۂ جود ہے اوج پایا ہے بِرجِیس و کیوان کا ، مرحبا مرحبا تیرے دیوانے حاضر ہیں سرکار میں ، آج دربار میں سُر جھکائے جنابِ گُہرَ بار میں ، آج دربار میں بن کے سائل تری بزمِ انوار میں ، آج دربار میں یوسفِ مصرِ دل تیرے بازار میں ، آج دربار میں جشن ہے کیا دل افروز عرفان کا ، مرحبا مرحبا در بدر مفت کی ٹھوکریں کھائے کیوں ، ہاتھ پیھلائے کیوں مانگنے کوئے اغیار میں جائے کیوں ، ہاتھ پیھلائے کیوں اُسکے ناموسِ غیرت پہ حرف آئے کیوں ، ہاتھ پیھلائے کیوں دل قناعت کی ضَو سے نہ چمکائے کیوں ، ہاتھ پیھلائے کیوں جو نمک خوا ر ہو پیر ِ پیران کا ، مرحبا مرحبا شاہِ جیلاں کی چوکھٹ سلامت رہے ، تاقیامت رہے نقشِ پا کا چمن پُر کرامت رہے ، تا قیامت رہے خلعتِ اِجتبا زیبِ قامت رہے ، تاقیامت رہے سر پہ ولیوں کا تاجِ امامت رہے ، تاقیامت رہے سلسلہ غوث ِ اعظم کے فیضان کا ،مرحبا مرحبا وارثِ خاتَمُ المرسَلیں آپ ہیں ، بالیقیں آپ ہیں قصرِ زہرا کا نقشِ حسیں آپ ہیں ، بالیقیں آپ ہیں دینِ برحق کے مُحی و معیں آپ ہیں ، بالیقیں آپ ہیں بزمِ عرفاں کے مسند نشیں آپ ہیں ، بالقیں آپ ہیں ہر ولی طفل ہے اِس دبستان کا ، مرحبا مرحبا مظہرِ ذاتِ ربِ قدیر آپ ہیں ، دستگیر آپ ہیں کاروانِ کرم کے امیر آپ ہیں ، دستگیر آپ ہیں شاہِ بغداد پیرانِ پیر آپ ہیں ، دستگیر آپ ہیں اِس نصیرِؔ حزیں کے نصیر آپ ہیں ، دستگیر آپ ہیں کوئی ہمسر نہیں آپ کی شان کا،مرحبا مرحبا چراغِ گولڑہ الشیخ پیر سیدنصیر الدین نصیر شاہ رحمتہ اللہ علیہ |
20/09/2025
Zahe Izzato Aaitlaye Muhammad
 |
| زہے عزّت و اعتلائے محمد ﷺ کہ ہے عرشِ حق زیر پائے محمد ﷺ مکاں عرش اُن کا فلک فرش اُن کا ملک خادمانِ سرائے محمد ﷺ خدا کی رضا چاہتے ہیں دو عالم خدا چاہتا ہے رضائے محمد ﷺ عجب کیا اگر رحم فرما لے ہم پر خدائے محمد برائے محمد ﷺ محمد برائے جنابِ الٰہی ! جنابِ الٰہی برائے محمد ﷺ بسی عِطر محبوبِی کبریا سے عبائے محمد قبائے محمد ﷺ بہم عہد باندھے ہیں وصلِ ابد کا رضائے خدا اور رضائے محمد ﷺ دمِ نزع جاری ہو میری زباں پر محمدﷺ محمدﷺ خدائے محمد ﷺ عصائے کلیم اژدھائے غضب تھا گِروں کا سہارا عصائے محمد ﷺ میں قربان کیا پیاری پیاری ہے نسبت یہ آنِ خدا وہ خدائے محمد ﷺ محمد کا دم خاص بہرِ خدا ہے سوائے محمدﷺبرائے محمد ﷺ خدا اُ ن کو کِس پیارے دیکھتا ہے جو آنکھیں ہیں محوِ لقائے محمد ﷺ جلو میں اجابت خواصِی میں رحمت بڑھی کس تزک سے دُعائے محمّد ﷺ اجابت نے جھک کر گلے سے لگایا بڑھی ناز سے جب دعائے محمد ﷺ اجابت کا سہرا عنایت کا جوڑا دلہن بن کے نِکلی دُعائے محمّد ﷺ رضا پل سے اب وجد کرتے گریے کہ ہے رَبِّ سَلِّم صدائےمُحَمَّد ﷺ |
01/09/2025
Chand Taare Hi kia dekhte rh Gaye
 |
| چاند تارے ہی کیا دیکھتے رہ گئے اُن کو ارض و سماء دیکھتے رہ گئے ہم درِ مصطفیٰﷺ دیکھتے رہ گئے نور ہی نور تھا دیکھتے رہ گئے پڑھ کے رُوح الامیں سُورتِ والضُّحٰی صورتِ مصطفٰیٰﷺ دیکھتے رہ گئے جب سواری چلی جبرئیلِ امیں صورتِ نقشِ پا دیکھتے رہ گئے اہلِ دانش محمدﷺ پہ تھے حیرتی رُوۓ قرآن نُما دیکھتے رہ گئے وہ گئے عرش پر اور روح الامیں سدرۃ المنتہٰی دیکھتے رہ گئے نیک و بد پہ ہوا اُن کا یکساں کرم لوگ اچھا بُرا دیکھتے رہ گئے وہ امامت کی شب وہ صفِ انبیا مقتدی مقتدا دیکھتے رہ گئے کیا خبر کِس کو کب جامِ کوثر ملا ہم تو اُن کی ادا دیکھتے رہ گئے ہم گنہگار تھے مغفرت ہو گئی شانِ ربُّ الْعُلیٰ دیکھتے رہ گئے ہوکے گُم اے نصیر اُنکے جلوؤں میں ہم خود نِگر پارسا دیکھتے رہ گئے میں نصیؔر آج لایا وہ نعتِ نبیﷺ نعت گو منہ میرا دیکھتے رہ گئے https://khushbueraza.blogspot.com/ |
29/08/2025
Aankhon ka Tara Naam e Muhammad
 |
| آنکھوں کا تارا نامِ محمد ﷺ دل کا اجالا نامِ محمد ﷺ اللہ اکبر رب العلی نے ہر شے پہ لکھا نامِ محمد ﷺ ہیں یوں تو کثرت سے نام لیکن سب سے ہے پیارا نامِ محمد ﷺ دولت جو چاہو دونوں جہاں کی کرلو وظیفہ نامِ محمد ﷺ شیدا نہ کیوں ہوں اُس پر مسلماں رب کو ہے پیارا نامِ محمد ﷺ اللہ والا دم میں بنا دے اللہ والا نامِ محمد ﷺ صَلِّ علیٰ کا سہرہ سِجا کر دولھا بنا یا نامِ محمد ﷺ نوح و خلیل و موسیٰ و عیسیٰ سب کا ہے آقا نامِ محمد ﷺ سارے چمن میں لاکھوں گلوں میں گل ہے ہزارا نام محمد ﷺ پائیں مرادیں دونوں جہاں میں جس نے پکارا نامِ محمد ﷺ مومن کو کیوں ہو خطرہ کہیں پر دل پر ہے کندہ نامِ محمد ﷺ رکھو لحد میں جس دم عزیزو مجھ کو سنانا نامِ محمد ﷺ پڑھتی درودیں دوڑیں گی حوریں لاشہ جو لےگا نامِ محمد ﷺ روز قیامت میزان و پل پر دے گا سہارا نامِ محمد ﷺ پوچھے گا مولیٰ لایا ہے کیا کیا میں یہ کہوں گا نامِ محمد ﷺ غم کی گھٹائیں چھائی ہیں سر پر کردے اشارہ نامِ محمد ﷺ رنج و الم میں ہیں نام لیوا کردے اشارہ نامِ محمد ﷺ بیڑا تباہی میں آگیا ہے دے دے سہارا نامِ محمد ﷺ زخمی جگرپر مجروح دل پر مرہم لگا جا نامِ محمد ﷺ دل میں عداوت خر کی بھر ی ہے نجدی نہ لے گا نامِ محمد ﷺ اپنے رضا کے قربان جاؤں جس نے سکھایا نامِ محمد ﷺ آنکھوں میں آکر دل میں سما کر رنگت رچا جا نامِ محمد ﷺ اپنے جمؔیلِ رضوی کے دل میں آجا سما جا نامِ محمد ﷺ |
26/08/2025
1500 Jashn e Wiladat
 |
| جانِ جناں و رونقِ گلزار آگئے آج آمنہ کے گھر شہِ اَبرار آگئے ظاہر ہوا وہ جلوۂ صورت جناب کا قدسی بھی لینے صدقۂ رخسار آگئے اَرض و َسماں زَمان و مکاں یک زباں ہے آج خلّاقِ کائنات کے شہکار آگئے مہرِ سَماں ستارے قمر اور کہکشاں خیرات لینے نور سے انوار آگئے یہ رسمِ عاشقی ہے اَدا اِس کو کیجئے دِیدہ و دل بچھایئے دِلدار آگئے میلاد کی سہانی گھڑی آگئی چلو نعرے لگاو جھوم کے سرکار آگئے دامن پسارو مانگ لو جو مانگنا ہے آج اللہ کے خزانوں کے مختار آگئے بَرسے گی آج بارشِ اَنوار اے عبیدؔ لو کھول کے وہ گیسوئے خمدار آگئے الحاج محمد اویس رضا قادری https://khushbueraza.blogspot.com/ |
1500 Sala Jashn e Wiladat
 |
| پندرہ سو سالہ جشنِ ولادت پیارے نبی کا مل کے منائیں گھر گھر سجائیں گے، خوشیاں منائیں گے آقا ﷺ سے پیار ہے سب کو بتائیں گے پندرہ سو سالہ جشن ولادت پیارے نبی کا مل کے منائیں پندرہ سو سالہ جشن ولادت پیارے نبی کا مل کے منائیں آ گئے جگ میں شاہِ مدینہ، نور بھرا ہے پیارا مہینہ چھوڑ کے سارے کام دیوانوں ! آؤ نبی کی بزم سجائیں آمنہ کی جان، بارھویں کا چاند نور بن کے آیا، ہر لب ہے مسکرایا پندرہ سو سالہ جشن ولادت پیارے نبی کا مل کے منائیں پندرہ سو سالہ جشن ولادت پیارے نبی کا مل کے منائیں سارا جہاں کہنے لگا ! مرحبا یا مصطفیٰ سارا جہاں کہنے لگا ! مرحبا یا مصطفیٰ آئے ہیں آقا ﷺ کلمہ پڑھانے راہِ ہدایت ہم کو دکھانے اُنکی ولادت فضلِ خدا ہے، کیوں نہ منائیں کیوں نہ منائیں آمنہ کی جان، بارھویں کا چاند نور بن کے آیا، ہر لب ہے مسکرایا پندرہ سو سالہ جشنِ ولادت پیارے نبی کا مل کے منائیں پندرہ سو سالہ جشن ولادت پیارے نبی کا مل کے منائیں آئے میرے مصطفیٰ ! مرحبا یا مصطفی آج ہے سب کی سدا ! مرحبا یا مصطفى ابر کرم چھا گیا ! مرحبا یا مصطفیٰ نور والا آ گیا ! مرحبا یا مصطفیٰ جشنِ ولادت شاہِ زمن کا عشق ہے واللہ اہلِ سنن کا جھنڈے لگا کر گھر کو سجا کر آؤ نبی کی نعت سنائیں آمنہ کی جان، بارھویں کا چاند نور بن کے آیا، ہر لب ہے مسکرایا پندرہ سو سالہ جشن ولادت پیارے نبی کا مل کے منائیں پندرہ سو سالہ جشن ولادت پیارے نبی کا مل کے منائیں میرے نبی لا جواب ہیں ! میرے نبی لا جواب ہیں صدیوں سے جاری ہے یہ روایت جشنِ نبی ہے سُنّی ثقافت تھام کے پرچم پیارے نبی کا اپنے مشن کو آگے بڑھائیں آمنہ کی جان، بارھویں کا چاند نور بن کے آیا، ہر لب ہے مسکرایا پندرہ سو سالہ جشنِ ولادت پیارے نبی کا مل کے منائیں پندرہ سو سالہ جشنِ ولادت پیارے نبی کا مل کے منائیں سارا جہاں کہنے لگا ! مرحبا یا مصطفیٰ سارا جہاں کہنے لگا ! مرحبا یا مصطفیٰ اُن کی ثنا سے دل ہے منور آنکھ ہے روشن روح معطر نعتِ نبی سے شوقِ فریدی اپنا مقدر کیوں نہ جگائیں آمنہ کی جان، بارھویں کا چاند نور بن کے آیا، ہر لب ہے مسکرایا پندرہ سو سالہ جشن ولادت پیارے نبی کا مل کے منائیں پندرہ سو سالہ جشن ولادت پیارے نبی کا مل کے منائیں |
18/08/2025
Unki Mehak Ne
 |
| غمگیں دل کے سارے دکھ غم مٹادیئے ہیں چاک جگر کسی نے گویا سلا دیئے ہیں پز مردہ من کے رستے گلشن بنا دیئے ہیں ان کی مہک نے دل کے غنچے کھلادیئے ہیں جس راہ چل گئے ہیں کوچے بسا دیئے ہیں مرض گناہ کیا ہے ، بیمار اسکا کتنا کیا رنج ہے جگر کا، اسکا فگار کتنا اپنی سکت ہی کیا ہے، اپنا شعار کتنا اک دل ہمارا کیا ہے آزار اس کا کتنا تم نے تو چلتے پھرتے مردے جلا دیے ہیں تن خاکسار کوئی کیسے ہی رنج میں ہو دل بے قرار کوئی کیسے ہی رنج میں ہو غم کا شکار کوئی کیسے ہی رنج میں ہو ان کے نثار کوئی کیسے ہی رنج میں ہو جب یاد آگئے ہیں سب غم بھلا دیے ہیں ہر گزنہ آگ سے پھر عاصی نبرد ہو گا آزاد نار سے اب ایک ایک فرد ہو گا امت کا کب گوارا آقا کو درد ہو گا اللہ کیا جہنم اب بھی نہ سرد ہو گا رورو کے مصطفیٰ نے دریا بہا دیے ہیں افلاک مل گئے جو تارا کسی نے مانگا اعلی دیا ہے گر جو ادنی کسی نے مانگا ملک جہاں ملی جو ذرہ کسی نے مانگا میرے کریم سے گر قطرہ کسی نے مانگا دریا بہادیے ہیں دربے بہا دیے ہیں اہل سخن جبینیں کرتے ہیں جس جگہ خم وہ ہے کرم ، رضا کے زور قلم کا اک دم ہے داغ کا یہ کہنا، تصدیق میں مقدم ملک سخن کی شاہی تم کو رضا مسلم جس سمت آگئے ہو سکے بٹھا دیے ہیں |
31/07/2025
Shukriya Ahmed Raza
 |
| آپ سے سیکھا ہے ہم نے اے رضا عشقِ نبی آپ نے ہم کو بنایا عاشقِ مولیٰ علی آپ کا احسان یہ کیسے بھلایا جائے گا تیرا ہی چرچہ رہے گا اے بریلی کے رضا آپ اہل شر کی خاطر حیدری شمشیر ہیں حضرت مولیٰ عمر کے قہر کی تصویر ہیں ذکر ہو گا جب اَشِدَّاءُ عَلَی الْکُفَّارْ کا تیرا ہی چرچہ رہے گا اے بریلی کے رضا سنیوں کو آپ نے بخشا فتاویٰ رضویہ کنزالایماں دے کے ایمان اور پختہ کر دیا جب بھی ایمان و عقیدے پر چھڑے گا تبصرہ تیرا ہی چرچہ رہے گا اے بریلی کے رضا نعت پڑھنا نعت لکھنا نعت سننا کام تھا آپ کا خامه فقط خیر الوریٰ کے نام تھا جب تلک جاری سفر ہے مدحت سرکار کا تیرا ہی چرچہ رہے گا اے بریلی کے رضا آپ سے سیکھا ادب سرکار کے اصحاب کا سیدہ کا اور اُن کی آل کا احباب کا جب تلک قائم رہے گا سیدوں کا سلسلہ تیرا ہی چرچہ رہے گا اے بریلی کے رضا لاکھ ہو جائے مخالف کل جہاں کچھ غم نہیں مجھ کو ان سے عشق ہے جو ہو گا ہر گز کم نہیں عمر بھر شوقِؔ فریدی میں کہوں گا برملا تیرا ہی چرچہ رہے گا اے بریلی کے رضا |
15/07/2025
Ulfat Rasool ki
 |
| کیوں کر نہ میرے دل میں ہو الفت رسول کی جنت میں لے کے جائے گی چاہت رسول کی چلتا ہوں میں بھی قافلے والو ! رکو ذرا ملنے دو بس مجھے بھی اجازت رسول کی پوچھیں جو دین و ایماں نکیرین قبر میں اس وقت میرے لب پہ ہو مدحت رسول کی تڑپا کے ان کے قدموں میں مجھ کو گرادے شوق جس وقت ہو لحد میں زیارت رسول کی سرکار ﷺ نے بلا کے مدینہ دکھا دیا ہو گی مجھے نصیب شفاعت رسول کی یا رب دکھا دے آج کی شب جلوۂ حبيب اک بار تو عطا ہو زیارت رسول کی جنت تو ان کے صدقے میں مل جائے گی مگر اے کاش ہو نصیب رفاقت رسول کی دامن میں ان کے ! لے لو پناہ آج منکرو مہنگی پڑے گی ورنہ عداوت رسول کی تو ہے علام ان کا عبید رضا تیرے محشر میں ہوگی ساتھ حمایت رسول کی |
09/07/2025
Dariya Hai Hamara
 |
| غازی عباس علمدار غازی عباس علمدار غازی عباس علمدار غازی عباس علمدار عباس علمدار کے دیوانوں کا نعرہ دریا ہے ہمارا دریا ہے ہمارا غازی کے وفاداروں نے مل کے پکارا دریا ہے ہمارا دریا ہے ہمارا مشکیزہ لیے دریا پہ جاؤں گا سکینہ ہر حال میں پانی اور میں لاؤں گا سکینہ پھر اپنے ہی ہاتھوں سے پلاؤں گا سکینہ باطل نے مگر کہہ کے یہی تیر سے مارا دریا ہے ہمارا دریا ہے ہمارا آقاﷺ کے دلاروں کو ستانے پہ تلے ہو حیدر کی نشانی کو مٹانے پہ تلے ہو لالچ میں ہو دنیا کے خزانے پہ تلے ہو تم جس پہ اکڑتے ہو وہ صدقہ ہے ہمارا دریا ہے ہمارا دریا ہے ہمارا اتنا نہ تکبر کرو اے تخت نشینوں اوقات میں اپنی رہو ورنہ اے لعینوں اک بار میں واللہ میں کہتا ہوں کمینوں اس جنگ کا نقشہ ہی بدل جائے گا سارا دریا ہے ہمارا دریا ہے ہمارا زہرا کے دلاروں کا اگر صدقہ نہ پاتے کس کے درِ دولت پہ یہ دامن کو بچھاتے تکلیف جو دل میں ہے کِسے جا کے سناتے تم سب کا مگر ہوتا ہے اس در سے گزارا دریا ہے ہمارا دریا ہے ہمارا اے بغض کے مارو ، ذرا تم ہوش میں آؤ تم ہم کو زر و مال خدارا نہ دِکھاؤ اے ظالموں میں پوچھ رہا ہوں یہ بتاؤ اس گلشنِ ہستی میں بھلا کیا ہے تمہارا دریا ہے ہمارا دریا ہے ہمارا جس وقت علمدار نے تلوار اٹھائی گھمسان کی کربل میں ہوئی خوب لڑائی اور ظالم و جابر کی ہوئی سخت پٹائی بے خوف ہر اک مردِ قلندر نے پکارا دریا ہے ہمارا دریا ہے ہمارا بچپن سے علی مولا کے سائے میں رہا ہوں اور فاطمہ زہرا کی دعاؤں سے پلا ہوں یہ بھول کے مت سوچنا تم سب سے ڈرا ہوں ہمت ہے تو تم سامنے آجاؤ دوبارہ دریا ہے ہمارا دریا ہے ہمارا عباس علمدار کا جذبہ ہے یہ پیارا جرأت ہے غضب کفر کا ایوان اجاڑا کربل میں کئی لشکرِ ظالم کو پچھاڑا اور قلعۂ باطل کو بھی ہے جڑ سے اکھاڑا کہہ کر یہی اسلام کے گلشن کو سنوارا عباس علمدار کے دیوانوں کا نعرہ مشہود رضا سر پہ کفن باندھ کے حلیے گستاخ کے نرغے میں شب و روز یہ کہیے اے منکرِ اسلام ذرا دھیان سے سنیے بے خوف علمدار کے متوالو ، کا نعرہ دریا ہے ہمارا دریا ہے ہمارا |
04/07/2025
Mera Hussain baghe nabuwat ka phool Hai
 |
| میرا حسین باغِ نبوت کا پھول ہے حیدر کی اس میں جان ہے خونِ بتول ہے ایسی عظیم ذات ہے مولا حسین کی جس کیلئے رسول کے سجدوں میں طول ہے دنیا میں اور کون ہے شبیر کے سوا ایسا سوار جس کی سواری رسولﷺ ہے گزرا جہاں جہاں سے نواسہ رسولﷺ کا اب تک وہاں خدا کے کرم کا نزول ہے جس کے لیے یزید نے اتنے ستم کیے وہ تاج تو حسین کے قدموں کی دھول ہے آل نبیﷺ کا پیار ہے ایماں کی زندگی ان سے نہیں ہے پیار تو سب کچھ فضول ہے تو ان کے در سے مانگ لے جو کچھ بھی جی کرے مالک سبھی جہان کی آلﷺ رسول ہے محشر میں میں کہوں میں غلامِ حسین ہوں سن کر کہے حسین ہم کو قبول ہے جھکنا اے راؔز فاسق و فاجر کے سامنے توہینِ بندگی ہے شکست اصول ہے |
03/07/2025
Aaya Na Hoga is Tarah
 |
| آیا نہ ہوگا اس طرح حسن و شباب ریت پر گلشنِ فاطمہ کے تھے سارے گلاب ریت پر جانِ بتول کے سوا کوئی نہیں کھلا سکا قطرہٗ آب کے بغیر اتنے گلاب ریت پر جتنے سوال عشق نے آلِ رسول سے کیے اک سے بڑھ کے اک دیا، سب نے جواب ریت پر ترسے حسین آب کو، میں جو کہوں تو بے ادب لمسِ لبِ حُسین کو ترسا ہے آب ریت پر لذّتِ سوزش ِ بلال، شوقِ شہادتِ حُسین جس نے لیا یونہی لیا اپنا خطاب ریت پر عشق میں کیا بچایئے، عشق میں کیا لُٹایئے آلِ نبی نے لکھ دیا سارا نصاب ریت پر آل نبی کا کام تھا آل نبی ہی کر گئے کوئی نہ لکھ سکا ادیبؔ، ایسی کتاب ریت پر |
22/04/2025
Kyon Chand mein khoye ho
 |
| کیوں چاند میں کھوئے ہو اُلجھے ہو ستاروں میں آقا ﷺ کو میرے ڈھونڈو قرآن کے پاروں میں جبرئیل امیں بولے سدرہ کے مکیں بولے تجھ سا نہ کوئی دیکھا لاکھوں میں ہزاروں میں اےکاش کبوتر ہی ہم بن کے رہے ہوتے اس گنبدِ خضریٰ کے پُرنور میناروں میں ان کے ہی پسینے کی خوشبو ہے بہاروں میں ان کی ہی تجلی ہے ان چاند ستاروں میں سرکارِ دو عالمﷺ کی الفت میں جو مرتے ہیں اللہ کے وہ بندے زندہ ہیں مزاروں میں رضواں تیری جنت کو فرصت جو ملے دیکھوں کھوئی ہے ابھی نظریں طیبہ کے نظاروں میں ہم تجھ کو بتائیں گے جنت کسے کہتے ہیں آ بیٹھ کبھی نجدی ہم درد کناروں میں اللہ نے امت کی بخشش کا کیا وعدہ محبوب کو جب دیکھا روتے ہوئے غاروں میں طیبہ کے فقیروں کی ٹھوکر میں زمانہ ہے تاریخ بتاتی ہے یہ راؔز اشاروں میں شاعر: راز الہ آبادی |
05/04/2025
Jaan hazir Hai Mustafa ke liye
 |
میرے مالک تیری رضا کے لیےجان حاضر ہے مصطفیٰ کے لیےنام سن کے جھکالو سر اپنے سیدہ زہرا کی حیا کے لیے کھڑے اقصیٰ میں انبیا تھے سبھی دیدِ سردار انبیاء ﷺ کے لیے اُن کا دیدار ہی میں مانگتا ہوں ہاتھ اٹھتے ہیں جب دعا کے لیے خاکِ طیبہ طبیبوں کافی ہے مجھ سے بیمار کی شفا کے لیے عاشقانِ نبی ﷺ دعا مانگے شہرِ طیبہ میں بس قضا کے لیے یاروں غاروں میں روئے ہیں آقا صرف اپنے ہر اک گدا کے لیے ابوبکر و عمر ہیں پہلو میں رب نے جن کو چنا وفا کے لیے بغضِ پنجتن میں ضائع مت کرنا نیکیاں اپنی سب خدا کے لیے کیا یہ کم ہے شہاؔب آقا نے چن لیا ہے مجھے ثنا کے لیے |
20/01/2025
Kafi Hai Mujhe Bas
 |
| کافی ہے مجھے بس وہ کمائی تیرے در کی جو دھول ملے کرکے صفائی تیرے در کی دھو دھو کے پلاؤں گا پیو آبِ شفا ہے ہر روز کروں آکے دھلائی تیرے در کی زم زم میں ملا کر میں اسی آبِ شفا کو ہر مرض میں دوں گا یہ دوائی تیرے در کی سلطانوں کا سلطاں ہو یا سلطانِ زمانہ مفلس ہے اگر بھیک نہ پائی تیرے در کی دل نے کہا سینے سے لگا لے اسے بڑھ کر جس نے بھی کوئی بات سنائی تیرے در کی دنیا میں حسؔن اور کئی عز و شرف تھے ماتھے پہ غلامی ہے سجائی تیرے در کی |
سبسکرائب کریں در:
تبصرے (Atom)
Popular
Koi Gul Baqi Rahega
کوئی گل باقی رہے گا نہ کلی رہ جائے گی پھر بھی زیرِ آسماں حب نبی رہ جائے گی نامیوں کے نام کا نقطہ بھی نہ رہ جائے گا عظمتِ صدیق کی مہر جلیں رہ...
-
کیوں کر نہ میرے دل میں ہو الفت رسول کی جنت میں لے کے جائے گی چاہت رسول کی چلتا ہوں میں بھی قافلے والو ! رکو ذرا ملنے دو بس مجھے بھی اجازت رس... -
کافی ہے مجھے بس وہ کمائی تیرے در کی جو دھول ملے کرکے صفائی تیرے در کی دھو دھو کے پلاؤں گا پیو آبِ شفا ہے ہر روز کروں آکے دھلائی تیرے در کی ز... -
آپ سے سیکھا ہے ہم نے اے رضا عشقِ نبی آپ نے ہم کو بنایا عاشقِ مولیٰ علی آپ کا احسان یہ کیسے بھلایا جائے گا تیرا ہی چرچہ رہے گا اے بریلی کے رض...