محمد مصطفےٰ ﷺ جانے

خدا کی عظمتیں کیا ہیں محمد مصطفٰیﷺ جانے

مقام مصطفٰےﷺ کیا ہے محمد کا خدا جانے

صدا کرنا میرے بس میں تھا میں نے تو صدا کردی

وہ کیا دیں گے میں کیا لوں گا سخی جانے گدا جانے

مریض مصطفٰے ﷺ ہوں میں طبیبوں چھیڑو نہ مجھے

مدینے مجھ کو پہنچا دو مرض جانے دارالشفا جانے

میری مٹی مدینے پاک کی راہ میں بچھا دینا

کہاں لے جائیگی اس کو مدینےکی ہوا جانے

مدینے پاک کی تم مانگتے رہنا دعا یارو

اثر ہوگا نہیں ہوگا دعا جانے خدا جانے

ہمیں تو سرخرو ہونا ہے آقاﷺ کی نگاہوں میں

زمانے کا ہے کیا ناصؔر برا جانے بھلا جانے