Lo Aagai Qurbani

سنت ہے ابراہیمی ہے شیوۂ ایمانی

لو آگئی قربانی لو آگئی قربانی

خواب تھا جو آیا رب کے خلیل کو
قربان کر رہے ہیں وہ اسماعیل کو
سمجھے تھے ابراہیم کہ یہ حکم ہے ربانی
لو آگئی قربانی لو آگئی قربانی

فرمایا اسمٰعیل کو رب کی رضا کو مان
بیٹے خدا کی راہ میں تجھے ہونا ہے قربان
سنتے ہی اسمٰعیل نے فوراً یہ بات مانی
لو آگئی قربانی لو آگئی قربانی

آنکھوں پہ پٹی باندھ کے سیدھا لٹا دیا
گردن پہ تیز چھری کو لاکے ٹِکا دیا
جبرائیل لے آئے وہیں دنبۂ آسمانی
لو آگئی قربانی لو آگئی قربانی

اللہ کو ابراہیم کی آئی ادا پسند
ہر ایک مسلمان کو رب نے کیا پابند
تا حشر ہے خلیل کی سنت ہمیں نبھانی
لو آگئی قربانی لو آگئی قربانی