آمد رمضان

چاروں طرف ہے روشنی رمضان کی آمد ہوئی
کھلنے لگی دل کی کلی رمضان کی آمد ہوئی

دنیا کے پیچھے مت پڑو روزے رکھو مسجد چلو
کرتے رہو ذکر نبی ﷺ رمضان کی آمد ہوئی

جو مانگنا ہے مانگ لو رحمت خدا کے لوٹ لو
ہوگی دعا پوری سبھی رمضان کی آمد ہوئی

ماں باپ کی عزت کرو ان سے دعائیں خوب لو
اس میں ہے آقاﷺ کی خوشی رمضان کی آمد ہوئی

افطار و سحری کا مزہ فضل خدا سے ہے ملا
مولا نے دی پھر یہ خوشی رمضان کی آمد ہوئی

پھیلا عجب رنگ کے وفا ہر سمت رحمت کی فضا
ہر لب پے ہے یہ نغمگی رمضان کی آمد ہوئی

یا رب دعا مقبول ہو آقاﷺ کو بھی منظور ہو
تفؔسیر کی یہ شاعری رمضان کی آمد ہوئی