Rab Ka Mehman Ramzan Hai

السلام اے ماہِ رمضان السلام اے ماہِ رمضان

میرے آقا کا فرمان ہے رب کا مہمان رمضان ہے

سحری افطار کی چاشنی اور تراویح کی دلکشی
تجھکو بن مانگے جو مل گئی تجھ پہ رب کا یہ احسان ہے

جس میں قرآن نازل ہوا قرب رحمان حاصل ہوا
ذکر سے دل نہ غافل ہوا یہ وہی ماہِ رمضان ہے

کر تلاوتِ تو قرآن کی قدر کر رب کے فرمان کی
تاکہ رحمت ہو رحمن کی بس یہی تیری پہچان ہے

راہِ قرآن و سنت پہ چل تاکہ حاصل ہو جنت کے پھل
نفس و شیطاں ہے دشمن سنبھل تیرا غافل کدھر دھیان ہے