Allah ke ghar mein hun

اللہ نے بلایا ہے اللہ كے گھر میں ہو

کعبے کا نظارہ ہے اللہ كے گھر میں ہو

دربار یہ کیسا ہے پیشانی سے پہلے دِل
سجدے میں جھکایا ہے اللہ كے گھر میں ہو

مہمان خدا کے ہیں اب فکر نہیں کوئی
اللہ نے کِھلانا ہے اللہ کے گھر میں ہوں

وہ رکنِ یمانی ہو یا رکنِ عراقی ہو
ہر کون کو چوما ہے اللہ كے گھر میں ہو

یہ وقت ہے عزت کا میزاب ہے رحمت کا
سَر پر یہی سایہ ہے اللہ كے گھر میں ہو

سجدے میں اجاگر ہے اور سامنے کعبہ ہے
مولا نے نوازا ہے اللہ كے گھر میں ہو