Ek baar madine mein ho jaaye Mera Jana

اِک بار مدینے میں ہو جائے میرا جانا

پھر اور نہ کچھ مانگے سر کا رﷺ کا دیوانہ

پل پل میرا دِل تڑپے ، دن رات کرے زاری
کب آؤں مدینے میں ، کب آئے میری باری 
کب جا کے میں دیکھوں گا دربار وہ شاہانہ

اِس آس پہ جیتا ہوں ، اِک روز بلائیں گے
اور گنبدِ خضریٰ کا دیدار کرائیں گے
پھر پیش کروں گا میں اشکوں بھرا نذرانہ

بے چین نگاہوں کو دیدار عطا کر دو
د امن مِرا خوشیوں سے یا شاہِ امم! بھر دو
آباد خدا رکھے آقاﷺ ! تیرا میخانہ

اِتنی سی تمنا ہے ، ہو جائے اگر پوری
جا دیکھوں مدینہ میں، ہو جائے یہ منظوری

بِن دید کیے شاہا مرجائے نہ دیوانہ