Tajushshariya Aap Hain

اخترِ بُرج ہدایت آپ ہیں
رہبر و تاجِ شریعت آپ ہیں

آپ مفتی آپ عالم باعمل
عاشقِ ماہِ رسالت آپ ہیں

آپ کے حسنِ ملیح پر میں فدا
خوبصورت خوب سیرت آپ ہیں

آپ عارف آپ صوفی باصفا
کاشفِ اسرارِ قدرت آپ ہیں

حجت الاسلام کے فیضان سے
رہبرِ دین و طریقت آپ ہیں

اعلیٰ حضرت آپ کے جدِّ کریم
شانِ نامِ اعلیٰ حضرت آپ ہیں

ابنِ جیلانؔی میاں اختر رضا
سنیت کی شان و شوکت آپ ہیں

ٹلــــــــــیگرام چیــــــنل👇🏼

https://t.me/NaatLyricsTKR

فیـــــسFacebookبــــک پیــــــج👇🏼

https://www.facebook.com/RaihaRaza786

تحــــریری کــــــلام خوشــــــبوئے رضـــــــا❶
https://chat.whatsapp.com/HrlDPAT1g7S4KbGmZJAO4z

🍃ثـواب حـاصـل کـرنـے کـی نـیـت سـے زیـادہ سـے زیـادہ شــئـیـر کیجیئے🍃

 

Namaz Mein Suroor Hai

یہ دین کا ستون ہے یہ چین ہے سکون ہے
چشمِ نبی ﷺ کا نور ہے نماز میں سرور ہے

روکے بدی برائی سے بچائے بے حیائی سے
گناہ کرتی چور ہے نماز میں سرور ہے

گہری قبر کی منجی ہے جنت کے در کی کنجی ہے
رضائے رب غفور ہے نماز میں سرور ہے

گر چاہو حُسنِ زندگی کرو اُسی کی بندگی
پھر سارے رنج دور ہے نماز میں سرور ہے

یہی میری معراج ہے یہی میرا اعجاز ہے
جو سر اُسی حضور ہے نماز میں سرور ہے

بلوا کے رب نے اپنے پاس عطا کیا ہے گفٹ خاص
تحفہ بڑا مشہور ہے نماز میں سرور ہے

روحانؔی اہتمام ہو نمازوں کا دوام ہو
ملے بہشت ضرور ہے نماز میں سرور ہے

 

Wo Sheher E Mohabbat

وہ شہر ے محبت جہاں مصطفیٰ ہیں وہیں گھر بنانے کو دل چاہتا ہے
وہ سونے سے کنکر وہ چاندی سی مٹی نظر میں بسانے کو دل چاہتا ہے

جہادِ محبت کی آواز گونجی کہا حنظلہ نے یہ دلہن سے اپنی
اجازت اگر دو تو جامِ شہادت لبوں سے لگانے کو دل چاہتا ہے

جو پوچھا نبی نے کہ کچھ گھر بھی چھوڑا تو صدیقِ اکبر کے ہونٹوں پہ آیا
وہاں مال و دولت کی کیا ہے حقیقت جہاں جاں لٹانے کو دل چاہتا ہے

ستاروں سے چاند یہ کہتا ہے ہر دم تمہیں کیا بتائیں وہ ٹکڑوں کا عالم
اشاروں میں آقا کے اتنا مزہ تھا کہ پھر ٹوٹ جانے کو دل چاہتا ہے

وہ ننھا سا اصغر وہ ایڑی رگڑ کر یہی کہہ رہا ہے وہ خیمے میں رو کر
اے بابا میں پانی کا پیاسا نہیں ہوں میرا سر کٹانے کو دل چاہتا ہے

کہ جو دیکھا ہے روئے جمالِ رسالت تو طاہر عمر مصطفی سے یہ بولے
بڑی آپ سے دشمنی تھی مگر اب غلامی میں آنے کو دل چاہتا ہے

 

Ye na poochho kidhar ja raha hun

یہ نہ پوچھو کدھر جا رہا ہوں

آج میں اپنے گھر جا رہا ہوں

دوستو اب نہ آنسو بہانا
قبر ہی تو ہے اصلی ٹھکانہ
یہ نہ سمجھو مر جا رہا ہوں
آج میں اپنے گھر جا رہا ہوں

پاس میرے نہیں سونے چاندی
ہاتھ میرے ہیں دونوں ہی خالی
چھوڑ کر مال و زر جا رہا ہوں
آج میں اپنے گھر جا رہا ہوں

قبر میں سامنے روئے سرکار ہوگا
قبر میں ان کا دیدار ہوگا
بس یہی سوچ کر جا رہا ہوں
آج میں اپنے گھر جا رہا ہوں

دفن کر کے مجھے مت بھلانا
قبر پر تم میری آنا جانا
سن لو لختِ جگر جا رہا ہوں
آج میں اپنے گھر جا رہا ہوں