Jab Unka Karam Ho Jata Hai

جب ان کا کرم ہو جاتا ہے جب ان کی عطا ہو جاتی ہے 
انکھیں بھی منور ہوتی ہیں سینے پہ جلا ہو جاتی ہے

دکھ درد ہو کوئی دنیاوی یا خوفِ لحد ہو عاصی کو
اے صل علٰی ان کی رحمت ہر غم کی دوا ہو جاتی ہے

ہے نام محمد صلّ علیٰ خوشنودی خالق کا ذریعہ
جو ان کے وسیلے سے مانگو مقبولِ دعا ہو جاتی ہے

قبضے میں خدائی ہے ان کے مختار ہے ساری نعمت کے
دربارِ رسولِ اکرم ﷺ سے ہر چیز عطا ہو جاتی ہے

ہو گنبدِ خضریٰ پیشِ نظر آنکھوں میں سکنؔدر آنسو ہو
پھر سایہ فگن اس کے سر پر رحمت کی گھٹا ہو جاتی ہے